مصر موتورز مجتمع السيارات - الحقونى يا جماعة ردياتير الجيتز بينزل المياه

مصر موتورز مجتمع السيارات (https://www.masrmotors.com/vb/index.php)

- Hyundai Getz - جيتز (https://www.masrmotors.com/vb/forumdisplay.php?f=239)

- - الحقونى يا جماعة ردياتير الجيتز بينزل المياه (https://www.masrmotors.com/vb/showthread.php?t=136584)

رد: الحقونى يا جماعة ردياتير الجيتز بينزل المياه

حضرتك روحى لمصطفي بتاع الريداتير اللي ورا سوق الخضار في الاخبار في الحي السادس -- هو معروف هناك يسأل علي بتاع الريداتير هناك وهايظبطهولة ان شاء الله وخليه يبعت حد معاكى يشوفه

رد: الحقونى يا جماعة ردياتير الجيتز بينزل المياه

لو قريبة من الحي السادس ممكن توقفي اي عربيه مخصوص وتديله 10 جنيه يسحبها لحد هناك بدل ماتمشي بيها والموتور يبوظ -- هو عنوانه بالتفصيل الحي السادس بجوار تايجر لاند في شارع جانبي جنب الاسطي محمود الميكانيكي

رد: الحقونى يا جماعة ردياتير الجيتز بينزل المياه

اقتباس:

المشاركة الأصلية كتبت بواسطة momen_bondok (المشاركة 1001140)

جزاكم الله كل خير
ربنا يبارك لك

رد: الحقونى يا جماعة ردياتير الجيتز بينزل المياه

حضرتك ابقى طمنينا عملتى اية وان شاء الله تكون بسيطة

رد: الحقونى يا جماعة ردياتير الجيتز بينزل المياه

السلام عليكم ورحمة لله وبركاته
احب اطمنكم يا جماعه الحمد لله ربنا سترها على عربيتى الحبيبة
المشكله كانت انها ماشيه من غير ولا نقطة مياه والسخونه اثرت على الزيت ورائحته وفلتر الزيت
السخونه كان ممكن تاثر على الموتور ويجيب جوان وش سلندر على حسب كلام الميكانيكى
ربنا سترها انى اول ما شميت رائحة شياط وقفتها فورا
وكنت بروح للشغل بتاكسى لغاية ما الميكانيكى بتاعنا رجع من محافظته وفتح محله
غير الزيت والفلتر الخاص به ونزل كل المياه العاديه اللى انا حطتها على الارض
ومل الردياتير بمياه خضراء
الحمد لله الحمد لله ربنا سترها
وقدر الله وما شاء فعل
بس الغريب بقه ليه ما فيش لمبه تنور امامى فى التابلوه لما الموتور يسخن
وليه ما فيش اى مؤشر يوضح الحرارة
وليه كمان ما فيش مؤشر للمياه لما تخلص فى الردياتير

بصراحه برضه انا يعتبر مهمله فى العنايه بها
انا آخر مرة كنت فى التوكيل كان يناير 2014
وبرضه غيروا فلتر زيت والزيت لمسافه 5000 ك
وكانت العربية ماشيه 9000 ك فقط
دلوقتى هى معايا بقالها من شهر يناير 2011
يعنى كملت 4 سنوات وبدات السنه الخامسه
وعامله 16000 ك فقط
بس لازم اغير حاجات فيها زى ما غيرت الكاوتش
وهى لسه ما شيه بالبطاريه لغايه دلوقتى الحمد لله
استخدامى خفيف جدا لان شغلى وبيتى بينهم شارع الحمد لله
بس يبدوا ان فيه حاجات لازم تتغير فيها حتى مع الاستخدام الخفيف
الحمد لله الحمد لله

جزاكم الله خيرا
وشكرا للى رد عليه
وشكرا للى متابع فقط
جزاكم الله خيرا جميعا