رد: تخفيض أسعار إنتظار السيارات بجراج التحرير
 

كتيررررر الصراحه , الواحد هيلاحق مصاريف بيت و اولاد و مدارس و بنزين و كمان ركن و مبلغ لا يستهان بيه لو موظف علي قده بيقبضله 2000 جند و معاه عربيه علي قده عشان اسرته , للاسف العيشه في المدينه عايز بنك فلوس و انا عشت في الليكس فتره طويله و عارف النفس بيحاسبوك عليه و الحمد لله اني مش عايش في مدينه و لا حد بيقلي هات جنيه عشان تركن , ربنا معاكم ...

رد: تخفيض أسعار إنتظار السيارات بجراج التحرير
 

رد: تخفيض أسعار إنتظار السيارات بجراج التحرير
 

يا نهار ابيض , ده حضراتكم تنورونا , هنا هدوء و وسع نظرااا لانها اراضي و مزارع مستصلحه و اكبر منطقه لانتاج الليمون و السفندي و عشان كدا منطقه شغاله و منتجه , صيف في الليمون و شتا السفندي و حضرتك لو بتسافر صحراوي بتشوف الاف المزارع المنتجه و الخير اللي مالي بلدنا ربنا يصلح حالها و حالنا جميعا , لذلك مفيش حد قاعد و الكل شغال و ده بيميزنا اننا لا نشعر باي ثوره و لا بيحدث مظاهره و لا مسيرات .

رد: تخفيض أسعار إنتظار السيارات بجراج التحرير
 

و ده فين يا دكتور نوح ؟؟؟؟ و سعر الفدان نواحيكم كام ؟

رد: تخفيض أسعار إنتظار السيارات بجراج التحرير
 

المنطقه جمال عبد الناصر لانه هو اللي انشأها سماها قطاع جنوب التحرير الزراعي , اكبر مركز قريب لي هو مركز بدر و الباقي قري منها قري رئيسيه زيها زي مدينه صغيره و دي فاتح فيها الاجزخانه و فيه قري اصغر , و احنا لو تعرف مدينه السادات في المنوفيه جنبنا بينا و بينها ساعه و انا بيني و بين الصحراوي حوالي 15 كيلو و بينا و بين كوم حماده اقل من ساعه و الدلنجات زيها .
سعر الفدان للاسف بقيت تقريبا زيها زي الارض السمرا و طبعا حسب مكانها من اقرب طريق , جار لي بايع الفدان ب 205 الف و اللي علي طريق رئيسي زي طريق مركز بدر ممكن يعدي ال 300 الف .
مع العلم انها كانت ببلاش في التمانينات و التسعينات و الفدان كان فيه من 1000 ل 10 الاف حسب مكانه بس زمااااان قبل الغلاء الفظيع اللي البلد كلها فيه للاسف .,. الناس القديمه اصحاب مزارع كبيره ب 200 فدان و كانوا جايين في اواخر الستينات و اول السبعينات واخدين الفدان ب 100 جنيه و كانت الدوله بتشجع الاستصلاح و عشان كدا كانت الاول ببلاش .