رد: موضوع ظريف وجميل جدا للحفاظ على كهرباء السياره
 

اولا كلنا عرفين ان الميه اما تدخل فى الفيشه او توصل اى منطقه فى كهرباء بتعمل املاح بعد فتره صح
طيب هنعمل ايه علشان الاملاح طبعا كلنا عرفين الفازلين الطبى نحط فى كل فيشه معرضه للميه فازلين من جوا وياريت اى فيشه تقابلك تعمل فيها كدا الطريقه دية مجربها فى كذا عربيه
ثانيا انت ممكن تعمل شغل فى الكهربا وواحد يقطع سلك ويلحمو عادى طبعا ده غلط لازم يتلحم ب كاوية لحام وازير
ثالثا والنقطة المهمه وانت بتغسل العربيه متخليش الراجل بتاع المغسله يغسل الموتور وياريت لو حيغسل عتب الباب الامامى من جوا خليه يغسلو يدوى

رد: موضوع ظريف وجميل جدا للحفاظ على كهرباء السياره
 

مشكور على المعلومات وهجرب بس بعد استشاره الكهربائى الخاص بى

رد: موضوع ظريف وجميل جدا للحفاظ على كهرباء السياره
 

صدقنى غسل الحوض بالمياة أكبر غلط و إفتكاسة من المصريين علشان يعملوا أى شغل
عاوز تنضف الحوض :
- بكمبروسر هوا و تشيل التراب كفاية بالهواء المضغوط
- لو فيه زيوت و شحوم, يبقى شوية بنزين و فرشاة دهان جافه و طبعاً لازم تكون العربية مثلجه و متشغلهاش بعد التنظيف حتى يجف البنزين تماماً (ساعه مثلاً ) و يفضل تنشفه بالهوا المضغوط
- و الأفضل تستخدم منظف الحوض (علب رش بتنضف الحوض و ترجعه جديد بدون أعطال الكهربا)

أنا قضيت يوم بحاله فى الشارع بسبب الموضوع ده و مش عاوز أقولك الإرهاق و تعب الأعصاب و العطله عن العمل و المصاريف و و و .... لما بقيت أقول خليها معفنه أحسن
ربنا ما يكتبه على حد