مصر موتورز مجتمع السيارات - شات البنات المبتدئات فى القيادة

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - شات البنات المبتدئات فى القيادة (https://www.masrmotors.com/vb/showthread.php?t=134635)

رد: شات البنات المبتدئات فى القيادة

بالنسبة للملفات يا جماعه مش بعرف المفروض الف امتى واكسر الدريكسون قد ايه يعنى فى اليوترن اكسر كله ولا نصفه
انا بستنى اما اعدى المرايه واكسر الدريكسون
مفيش قاعده لموضوع لملفات ده

وليه مفيش تفاعل فى الموضوع زى مواضيع زمان بتاعتكم الجميلة

رد: شات البنات المبتدئات فى القيادة

ال يو تيرن لو ضيق يفضل اكسر كله
بس لازم تتعودى على حاجة
متخليش الدركسيون يوصل لاخر مشوارة لغاية لما يصد
لو جاب اخره و صد رجعيه سنة صغيرة لان لو دايما يتجاب لاخره و يصد و افضل زنقه كدا علبة الدركسيون حتبوظ مع الوقت

رد: شات البنات المبتدئات فى القيادة

والله انا اصلا نفسى اعرف ايه اللى بيضايق الرجالة من سواقة الست فهو لو وجدك فى الشارع وانتى متوترة شوية لانك ممكن زى ما بتقولى مبتدئة اولو كنت ممارسة للسواقة فهو بيتعصب عليكى بدون اى مبرر وممكن يعمل انك انتى اللى موقفة الشارع ويزود من توترك فياريت نتعلم كيف نرحم بعض ونقدر ظروف اï»»خرين

رد: شات البنات المبتدئات فى القيادة

والله اللى بيدايق الرجالة فى سواقة الستات حاجات كتير متتعدش بس ممكن نذكر منهم شوية حاجات بسيطة مثلاً
تلاقى الست من دول ماسكة شمال وماشية على مهلها ولا هاممها وطبعاً قافلة القزاز وعايشة فى ملكوت تانى تطبل تزمر هيا مش هنا وفين وفين تاخد بالك انها واحدة ست فتقوم تهرب من وراها لانها فى اى لحظة ممكن تفكر تفرمل او ترمى على جنب وطبعاً مبتبص فى المرايا الا علشان تتزوق
ده نموزج مكرر بنشوفه كتير وممكن نسمية الست المنعزلة او اللى عايشة فى الطراوة ولا كان حد معاها فى الطريق

فيه بقى نموزج مختلف اسمة الست " المستهبلة " وديه موطنها الاصلى فى الشوارع الديقة والرايح جاى والتقاطعات وديه بقى زى اختها متعرفش اى حاجة عن السواقة غير البنزين والفرامل لكن مش مقتنعة بكدة وشايفة على العكس ان الناس كلها هما اللى ماشيين غلط والمفروض يظبطو حالهم على سواقتها فتلاقيها تحشر نفسها فى حته وتقف يا ست طب امشى تقولك امشى فين طيب اركنى اركن ازاى طب انتى ايه اللى جابك هنا اصلاً متعرفش وفى الاخر تتعصب على الناس وكان سكان الكوكب كله لا يرقوا لمستوى تفكيرها

فيه نوع بداء يظهر حديثا وده اسمة الست المستعفيه وديه متمردة على طبيعة الست وسمات الانوثة كلها وواخدة السواقة وسيلة لتصفيه حساباتها مع الرجالة فتلاقيها ترمى عليك بلطجة كدة ولو فتحت بقك ولا حتى زمرت تشوحلك وممكن تشتمك كمان !! تركن وتقفل على عربيتك وتقف تستناها ولما تيجى متعتذرش . ممكن تخبطك كمان ومتعتذرش برضو وده اصعب نوع فى رائى على الناس اللى اتعودت تحترم الستات

وعموماً كل المشاكل اللى ممكن تعملها الستات ممكن الرجالة يعملوها سواء عن قله خبرة بالسواقة او سوء خلق بس هى المشكلة مع الستات الرجالة بتبقى فى حيرة اكبر وخيارتها فى التعامل بتبقى محدودة اكتر فمثلاً مع المواقف ديه كلها لو مع راجل قصاد راجل كل واحد بيبقى قدامة خيار المنطق او العنف يعنى يا اكلمة بالعقل يا اضربه او حتى اشتمة لكن مع الستات لا يصح نتعامل معاكم بعنف ولا هيفيد التعامل معاكم بالمنطق :w6w2005041113562663

رد: شات البنات المبتدئات فى القيادة

السلام عليكم
الى بيدايق الرجال من سواقت الستات كمان انهن حاطين في دماغهم انهن مش بيعرفوا يسوقو فبيتوتروا بسرعه ويتلبخوا على الرغم من انهن لو تركوا نفسهن للشارع بدون توتر هيكونو ميه ميه في السواقه
والله المستعان