مصر موتورز مجتمع السيارات - ازاى اعمل امريكانى بالعربيه؟؟

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - ازاى اعمل امريكانى بالعربيه؟؟ (https://www.masrmotors.com/vb/showthread.php?t=134375)

رد: ازاى اعمل امريكانى بالعربيه؟؟

اقتباس:

المشاركة الأصلية كتبت بواسطة AbOnOrA (المشاركة 988318)

واضح ان حضرتك قائد ماهر و طبعا الحركه دى بالنسبه لك عادى بس هو الموضوع عندى حب استطلاع و تجربه . هو الحته اللى حضرتك قلتها عن اننا ندى العربيه عزم و هى ثابته عن طريق ان احنا ندوس بنزين جامد و رجلنا على الفرامل لما بجربها بيظهرلى لمبه فى التابلوه بتاعه ESP مش عارفه معنى كده ان فيه عطل ESP هى اللمبه بتنورساعتها و تطفى تانى.
اما بقى التخميس ده محتاج تدريب و انا شفت حد بيعملها على شكل دايره و كانت الأرض فعلا رمله عليها حصى. المشكله ان العربيه عاليه و خايفه اعمل حركه غلط تقلب العربيه او معرفش اتحكم فيها.
متشكره لحضرتك جدا و لما اعملها حجى اقولكم نجحت و لا فشلت.

رد: ازاى اعمل امريكانى بالعربيه؟؟

الحركات ديه كلها عايزة عربيات واطية وكاوتش واطى او رفيع 50 - 60 ارتفاعة بالكتير وافضل التخميس تحديداً يتعمل على اسفلت مش ارض غير ممهدة علشان لو فيه صخرة ولا حجر ممكن يقلب العربيه والاهم تانى وتالت العفشه والكاوتش يكونو سلام اللهم بلغت اللهم فاشهد :30p[1]:

بس ابقى طمنينا عليكى :THE_PR~18:

رد: ازاى اعمل امريكانى بالعربيه؟؟

العربية فيها ESP يعنى مش هينفع تلعب
لازم تلغى الESP وده ممكن لو فى حالة طارءة تضيع الدنيا
نصيحة بلاش الكلام ده تضييع فلوس ووقت وبهدلة للعربية وقلة قيمة لمؤاخزة لو اتسبب الموضوع ده فى اى أذى للعربية

نادى السيارات بيعلموا القيادة الرياضية بس بقى محتاج فلوس كتير

رد: ازاى اعمل امريكانى بالعربيه؟؟

اقتباس:

نصيحة بلاش الكلام ده تضييع فلوس ووقت وبهدلة للعربية وقلة قيمة لمؤاخزة لو اتسبب الموضوع ده فى اى أذى للعربية

تسلم يا باشا , فعلا بلاش , انا طريقي فيه طلعه محترمه بعد مطب , كنت للاسف متعلم الطلعه الامريكاني العنيفه من بعد المطب بالدبابه بتاعه اخويا و كنت للاسف بافرك بيها اخليها تاكل في الارض و هي طالعه المطلع و علي الغيار التاني كمان و للاسف طرقنا عليها رمله , و اهي عايزه طقم كاوتش بالشيء الفلاني و الدنيا اصلا مزنقه و ماسكه ...
نصيحه بلاش , و مفيش احسن من السواقه الناعمه و الهاديه ...

رد: ازاى اعمل امريكانى بالعربيه؟؟

اقتباس:

المشاركة الأصلية كتبت بواسطة Hisham.Elgazzar (المشاركة 988349)

بالظبط كدة ال esp نظام معمول للحفاظ على توازن العربيه بينما الحركات ديه كلها بتتعمل بالتلاعب بتوازن العربيه وبالتالى النظام شغال على عكس اللى انتى عايزة تعملية بالظبط وبالتالى بيمنعة وبالتالى لازم يتقفل فى البى ام مثلا بيتقفل بطرق سهلة وبتختلف من عربيه للتانية هى عربيتك نوعها ايه ؟ لو شيروكى زى ما فى البروفايل انهى موديل

وعامة ديه مواضيع فيه معلومات مفيدة جداً وشرح وافى عن عمل نظم الثبات والتوازن فى العربيه

تعرف على سيارتك : نظام الثبات الالكتروني ( ESP ) - مصر موتورز مجتمع السيارات

معنى انظمة الفرامل Abs - esp- cbc بشكل موضح - مصر موتورز مجتمع السيارات

ESP ماذا تعرف عن نظام الثبات الالكترونى - مصر موتورز مجتمع السيارات