رد: اضائة لمبة الزيت بالتبلوه
 

طالما ما لاحظتش صوت يبقى ان شاء الله ما فيش صوت ترزيع
وبكدة يبقى نبدا بالسهل وهو تغيير فلتر الزيت....احتمال يكون مكتوم

رد: اضائة لمبة الزيت بالتبلوه
 

ألف شكر لحضرتك وعلى المساعده جزاك الله عنى خير
بس هل الفلتر له علاقه بعملية ضغط الزيت ( ديه عوزه شرح الصراحه عشان الواحد يفهم
ومش من المفترض ان حساس الزيت او ساعة الزيت بتوصل الاشاره بناء على ان الحراره فى الهد عاليه نتيجة عدم وصول زيت لتبريد الهد ( وش السلندر ) انا كده صح

رد: اضائة لمبة الزيت بالتبلوه
 

انا احب اعرف الاجابة على السؤال ده 444546
متابع معاك

رد: اضائة لمبة الزيت بالتبلوه
 

السلام عليكم
واعزرونى لو فى غلط املائي لان الكى بورد بتاعى مفهوش عربي
اول حاجة بيمشى فيها لزيت بعد الطلمبة هو فلتر الزيت ومنة لفتحات طولية فى جسم البلوك عشان الزيت يوصل للهد "وش السلندر"وعشان يضمنو ان الزيت وصل لاخر الدورة بتعتة حطو مجش لضغط الزيت فى اعلى نقسطة فى الوش واحيانا فى 2 حساس زيت واحد فى البلوك والتانى فى الهد
وطبعا السوق مليان فلاتر مضروبة وخصوصا المصرى منه وحش جدا بصراحة
وكتير قابلت فلاتر بتكون مكتومة
طب حد سمع عن فلتر زيت ضرب ؟؟؟؟؟ انا شوفت بعينى من كتر الكتمة ومع ضغط الزيت الفلتر بيضرب
كدة فلنا نصف دورة الزيت ....اللى الزيت راح فوق ووصل زيت للكامة والبلوف والكستبانات او التاكيهات والشواكيش على قديمة

النصف التانى هو ازاى الكرنك بيتزيت
برضة عن طريق طلمبة الزيت ومن خلال فتحات طولية قى البلوك من جوة اللى بيكون راكب فيها كراسي البلوك وعددهم فى الغالب 3 بيتضخ الزيت على الكراسي بتاعة الكرنك
اما البيل والركبة بتعتة بياخدز زيت من خلال ثقب طولى فى عامود الكرنك وعشان كدة تملى تلاقى سبيكة رقم 4 اللى تملها بتدلع لانها اخر نقطة بيوصلها الزيت فلو الطلمبة ضععيفة الزيت مش بيوصل بالقدر الكافى لاخر بيل

اخر حاجة بقى فى التزييت هو الشمايز
ودة بتيجى من طرطشة الزيت فى الوعاء بتاعة "كرتيرة الزيت" لان بيكون راكب فى البيل والكوتشنت معلقة او اى حاجة معدن ومع حركة البيل صعود وهبوط وبسرعة ترددية عالية بيحصل طرطشة داخل الشمايز من الداخل واللى بيكنسها شنبر الزيت وهو نازل ولو الشنبر فقد وظفتة فى كنس الزيت بيتكون طبقة على جدار الشميز اللى بتطلع لفوق على وش البستم وبيتحرق الطبقة دى فى شوط الانضغاط وبالتالى تلاقى العربية بتنفخ زيت من الفايظ

رد: اضائة لمبة الزيت بالتبلوه
 

شكرا mr_astra جزاك الله خيراعلى الشرح الجميل
طيب لو الفلتر تمام يبقى كده طرمبه ولا فيه حاجه تانيه ؟
وبصراحه حكاية ان فيه السبايك بدات تبوش مش مفهومه وايه علاقتها ؟
معلش بتقل عليك
وهغير الفلتر وبلغ بالنتيجه ان شاء الله