رد: مساعدة فى شد سيارة لادا 2017
 

حضرتك غاوى شقى و لا عاوز تعرف معلومه فقط (للعلم بالشئ)
اللى إنت عاوز تعمله ده متعب جداً جداً و أكيد هيتعمل عليك أحلى شغل لو مش فاهم, لذلك بنقول على الناس اللى جربناها و عندها صنعه و ضمير, عالعموم ....

هو السؤال دلوقتى:
حضرتك عاوز تغير الموتور و الفتيس ليه؟
موتور اللادا بيتصلح و نادر لما حد يغيرة, و إصلاحه سهل مقارنة بالعربيات الحديثة, و الفتيس محمد طلبه بيفكه و يغيرلك الغوايش و البرميلين و يشيك على كل حاجه فيه و يرجع زى الفل بإذن الله
بالنسبة للطبلوه, أيه الحاجات اللى ناقصة؟ عدادات يعنى, بتتباع جديدة فى التوفيقية فى المركز الروسى و عند أولاد سيد نصار, لو مفاتيح كهرباء عند أى حد , لو هوايات برضو فى التوفيقية.
بالنسبة للطارة هتركبلها مناول على رولمان بلى بحوالى 80 ج (لو مش راكب لها)و تكشف على زيت علبة الدركسيون بس, إوعى تركب باور و هاف باول و لا تغير العلبة لإسكاترا و الكلام الفاضى ده علشان ثبات العربية.
الكراسى بتتصلح عند أى سروجى, أما لو عاوز تغير يبقى إستيراد بس أكيد مش نفس كراسى اللادا, هات حاجه مريحة شوية (كراسى طيارة مثلاً)و المكنه بتتصلح بس عاوزة سروجى محترم.
الجنوط الأصلى الحديد مفيش أحسن منه, و ممكن تركب علية طقم طاسات شيك و شكراً.
أعانك الله

رد: مساعدة فى شد سيارة لادا 2017
 

المكانيكى قالى ان الموتور ناقص حاجات كتير ومعمول فية كذا عمرة قبل كدة فكرة المكانيكى حسب مافهمت ان اجيب موتور ١٦٠٠سى سى بفتيس ٦غيار احسن وكنت عايز اعرف تفرق ٥من٦غيار اية غير السرعة وبالنسبة للكراسى الى موجودة فيها كراسى طيارة بس فيها لحمات كتير من تحت وظهر الكرسى مش بينفرد المشرشر بايظ فقالى اما تستخدمة على كدة او تجيب كرسيين لانسر وبالنسبة لثقل الطارة العفشجى قالى على موضوع الاسكترا بتاعت الادا الحديثة نركبها عندك عشان تخف الطارة معاك والطارة عندى الرفيعة كنت عايز طارة يكون شكلها احلى شوية من الى فيها والطبلوة متبهدل شطلة وناقص بعض القطع مثل الهويات وكدا ...

رد: مساعدة فى شد سيارة لادا 2017
 

مع العلم السيارة ٢١٠٧ موديل ٩٥

رد: مساعدة فى شد سيارة لادا 2017
 

طيب مبدئياً مش العربية ماشية و لا مركونه, و إيه اللى ناقص فى المكنه؟ (كربراتير و اسبراتير و موبينه و مارش و كده ....) و لا حاجه تانية؟
عاوز أقولك حاجه: سيبك من الميكانيكى ده, مفيش حاجه إسمها نغير موتور اللادا علشان أتعمر قبل كده, الإخوة سواقين التاكسى بيعملوا عمرة كل سنه (أو أقل) و المكنه بتتفتح مليون مرة و يخرط و يضبط و يقفل و يشغل تانى و ....

تانى حاجه, و دى مش أى حد عارفها, كل مكنه فى اللادا (1200-1300-1500-1600) ليها كارونه مخصصة (ليها أرقام), و لو بدلت مكنه أعلى على كرونه أبطأ معناها إنك هتحرق الكارونه و الفتيس قريب.

الفتيس الـ4 غيار زى الـ 5 غيار بالضبط فى السرعات الأولى, الفرق أن الـ 5 غيار بيريح المكنه عالطوالى (فى السرعات العالية).

بالنسبة للتابلوة, بيتلزق و يتشد عليه جلد جديد غير المشقق اللى فيه و ده محتاج سروجى محترم زى مقولتلك, و الهوايات فى التوفيقية (جديد و مستعمل) مش حوار يعنى.
لو العدادات مش شغاله, أى واحد بتاع عدادات كويس يعملهم.

برضو نصيحتى: إتصل بمحمد طلبه و إسأله و شوف هيقولك إيه, مش هتخسر غير ثمن المكالمة بس هتفهم الدنيا عاملة إزاى بدل متفتح منك.
و ربنا يعينك

رد: مساعدة فى شد سيارة لادا 2017
 

...ّ.................
الف الف شكر على الرد والمتابعة
العربية جايبها على كساحة مش ماشية الفكرة بس فى تكلفة التعمير و الحاجة الى ناقصة من الموتور هيبقى فرق بسيط مابينة وبين موتور استيراد وعموما هكلم م.محمد طلبة