مصر موتورز مجتمع السيارات - رينو ستيب واى 2015 ولا بيكانتو 2015

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - رينو ستيب واى 2015 ولا بيكانتو 2015 (https://www.masrmotors.com/vb/showthread.php?t=132502)

رد: رينو ستيب واى 2015 ولا بيكانتو 2015

اقتباس:

المشاركة الأصلية كتبت بواسطة romeoalmansour (المشاركة 981445)

لو احنا في أي مكان تاني غير مصر كنت قلت لك رينو
لكن لو بصينا علي سعر اعادة البيع واسعار قطع الغيار وعلي التزام التوكيل يبقي بيكانتو تكسب 100%
توكيل رينو فيه ناش اشتكت وهو فعلا غالي جدا وقطع غيار غالية ومعاملة سيئة وبالذات توكيل المقطم

حضرتك انا محتار فعلا ... ناس قالولى علشان شوارع مصر اشترى عربية عالية وده موجود فى الستيب واى ومش موجود فى البيكانتو ..... غير ان الرينو ستيب واى 1600 سى سى انما البيكانتو 1200..... سألت بالنسبة لقطع الغيار لقيتها مش غالية وناس قالو لان الرينو بقت منتشرة اوى يعنى مثلا الفانوس ف التوكيل ب 500 وسير الفرامل ب 200 وكتير قالولى انه قطع الغيار الفرنسية لو غالية شوية عن الكورى بس بتعمر اكتر بكتير ... وبالنسبة للبيكانتو عجبانى انها اوتو بس كتير قالولى متجيبش اوتو غير المانى او يابانى والمانيوال سعر صيانتها ارخص ومشاكلها اقل ومبتستهلكش بنزين ..... من ناحية الاوبشنز الداخلى كيا بس من ناحية اوبشنز كويس وعوامل سلامة وامان رينو سانديرو ستيب ..... من ناحية سعر اعادة البيع كيا بس انا بقول ان اعادة البيع اللى بيحدده حالة العربية يعنى حسب الاستهلاك ولو عربية فيها كل الاوبشنز ومريحانى هبعها ليه غير للضرورة والحمد الله متيسرة.... بس من ناحية التوكيل كتير بيشكروا ف توكيل كيا وبرضوا بيشكروا ف الرينو بس فى حالات فردية ف كل توكيل بس ف الاول او الاخر برضه لو العربية كويسة مش هتحتاج توكيل غير فى الصيانات بس .... بصراحة دى فيها مميزات ودى مميزات ...... ياريت اراء مالكى الستيب واى والبيكانتو ينصحونى بايه .

اقتباس:

المشاركة الأصلية كتبت بواسطة Marlborooo (المشاركة 981452)

كلام 100 100 خليك في البيكانتو ( اريحلك في كل حاجة )

انا فى حيرة بصراحة عربية كورى وصغيرة 1200 سى سى وبصراحة سعرها مبالغ اوى على حجمها يعنى لما يكون المانيوال ب 88 الف والاوتوماتيك بيبدأ من 96 الف لغاية 110 الف .... على الرغم ان فى الاخر سايق عربية مينى ودى أسعار سمير ريان .... بصراحة كل ما بشوف مواصفات واسعار البيكانتو والاستيب واى بأحتار اكتر .... ربنا يكرم حضرتك على رايك وياريت اراء اكثر خصوصا من صاحبى البيكانتو وال رينو سانديرو ستيب واى .

رد: رينو ستيب واى 2015 ولا بيكانتو 2015

اقتباس:

المشاركة الأصلية كتبت بواسطة محمد اشرف (المشاركة 981426)

الاسعار تقريبا
الاستيب واى ب101000
الكيا بيكانتو اتوماتيك 92000

بس انا ارشحلك الاستيب واى الشكل الجديد ومعلومه السعر ده للاستيب واى 2014 لان ماظنش ان 2015 نزل اصلا فى شركة رينو عموما فى مصر
اولا البيكانتو سياره صغيره جدا وحرام يدفع المبلغ ده كله فى سياره هاشباك مينى اما الاستيب واى اكبر واعلى واوسع واشيك بس العيب الوحيد انها مانيوال والى يركبها يكون عاشق للمانيوال MADDRIVE لو عايز تتصل بشركة رينو مصر على رقم 16202 ده رقم الوكيل الرسمى واسألهم الاتوماتيك هينزل امتى

بس ملحوظه اخيره العيب الاخير فى رينو عموما انك لازم تعرف انك لو اشترتها هتخسر فى بيعها كتير ودى مشكلة الرينو كله

تحياتى

حضرتك أنا كنت فى سمير ريان يوم الخميس اللى فات وقالى ان البيكانتو اوتوماتيك بتبدأ من 96 الف الى 110 ألف
واتصلت بتوكيل رينو قالى ان الاستيب واى 2015 موجودة وبسعر 101400 .. والفئة دى مبينزلش فى مصر منها اوتوماتيك ..... بس أنا مؤيد لحضرتك فى كلامك وياريت تنصحونى اكتر بأهم المميزات وأهم العيوب ... وياترى أيه العيوب اللى ممكن تخلى البيكانتو او الرينو الواحد مايفكرش فيها .... اصل التوكيل واعادة البيع انا شايف انه بقى عادى فى مصر مش كل التوكيلات بكل فروعها على مستوى واحد ... وبما ان العربيات الزيرو بقى القسط فى متناول اغلب المشتريين يبقى ليه اشترى مستعمل فحاسس ان سوق اعادة البيع فى مصر لازم ينزلك فى سعر العربية علشان تتباع مهما يكن النوع المهم الحالة

رد: رينو ستيب واى 2015 ولا بيكانتو 2015

اقتباس:

المشاركة الأصلية كتبت بواسطة romeoalmansour (المشاركة 981445)

كلامك صحيح بس لو قرنت سياره بسياره بدون ان نضع التوكيل ولا سعر اعادة البيع ولا قطع الغيار فى الموضوع الرينو احلى بس مش شايف ان سعر البيكانتو غالى اوى على فئتها ان يدفع كل ده فيها ؟؟

رد: رينو ستيب واى 2015 ولا بيكانتو 2015

اقتباس:

المشاركة الأصلية كتبت بواسطة محمد فؤاد عبد السلام (المشاركة 981490)

معلش مانا قولتلك الاسعار تقريبا لانى مش متابع سعرهم من زمان بس انا شايف الصراحه الاتوماتيك غاليه جداااااااا على سعرها ليه يعنى كل ده ده انا مره شفت الى هى اول فئه الى ب96000 الاكصدامات مش بنفس لون السياره ومفهاش كاسيت ولا مالتى فانكشن ولا اى حاجه مش عارف هى دى الب96000 ولا فئه اقل احتمال يكون فيه فئه اقل
هقولك حاجه العيوب الى تخلى الواحد يبعد عن الاتنين

البيكانتو غاليه جدا وصغيره جدا والتوكيل مبالغ فيها جدا
الرينو حلوه جدا بس اعاده البيع مش حلو وممكن مثل ما قال romeoalmansour http://www.masrmotors.com/vb/images/...s/viewpost.gif توكيلها مش حلو بس على حسب علمى الاستيب واى فيها شاشه dvd فيها gbs ومثبت سرعه

كده انت عرفت عيوب الاتنين لو مش هينسبك حاجه منهم هريحك خااااالص

انساهم هما الاتنين وخش على السوزوكى سويفت هاتشباك الجديده او السيدان او البرليانس frv cross واالاتنين اتوماتيك والاتنين حلوين واحسن من السانديرو واحسن من البيكانتو :fun_36_1_39[1]::fun_36_1_39[1]:

رد: رينو ستيب واى 2015 ولا بيكانتو 2015