مصر موتورز مجتمع السيارات - نداء للاخوه الاعضاء لحل مشكلتى باسرع وقت

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - نداء للاخوه الاعضاء لحل مشكلتى باسرع وقت (https://www.masrmotors.com/vb/showthread.php?t=132446)

رد: نداء للاخوه الاعضاء لحل مشكلتى باسرع وقت

اقتباس:

المشاركة الأصلية كتبت بواسطة ali zahran (المشاركة 981097)

من الواضح ان اصحاب المعرض والمسؤلين فيه ليس لديهم خبرة فى تجارة السيارات .....
انا من رايي حضرتك تروح تستلم العربيه وتتأكد ان كل حاجة تمام وشغاله . ولا تدفع اى فلوس لا قدر الله لو كان حاجه اكبر من المارش كنت هتدفع 10000 الاف وانت لسى شارى العربيه من 24 ساعه دا نصب عينى عينك

المعرض الليثى فى شارع النزهه مدينه نصر
ومش هاينفع استلم العربيه الا بعد دفع الفلوس
وهل هى كده خرجت من الضمان ؟ والحل ايه ؟

رد: نداء للاخوه الاعضاء لحل مشكلتى باسرع وقت

اقتباس:

المشاركة الأصلية كتبت بواسطة حسن شرف (المشاركة 981098)

يسر الله أمرك ومتسبش حقك وأنا شايف ان دى مشكلتهم

انا حاولت ارجعها ليهم حتى لو اخسر فلوس مش عاوزين

رد: نداء للاخوه الاعضاء لحل مشكلتى باسرع وقت

العربية دى كده لازم حد يشربها, يا هما يا أنت يا حد تانى
و هما مستحيل يشربو ثمنها
أعمل محضر و أثبت حقك
و ميكروباص فيه 3 عرباويه بالسلاح يدخلو معاك المعرض و تأخد فلوسك و أنت واقف فى دقيقتين

هيا طريقة غلط بس أفضل و أسرع طريقة هتجيبلك حقك كاملاً
و أنت مأمن نفسك بالمحضر
و الحكومه للأسف ملهاش عيش مع العربان, لا تقولى بلطجية و لا مسجلين خطر
دى عالم ملهاش بطايق و كلامهم مصحف و سلاح و بينهم كلمة راجل

رد: نداء للاخوه الاعضاء لحل مشكلتى باسرع وقت

انا لو مكانك ادفع فلوس المارش للمعرض و استلم العربية استمتع بيها و صدقنى التوكيل و لا حيعرف حاجة عن المارش و الضمان معاك زيى الفل

رد: نداء للاخوه الاعضاء لحل مشكلتى باسرع وقت

السلام عليكم
من واقع كل الكلام السابق انت امامك حلين
الاول . انك تستلم العربية بعد ما تشوفها كويس وتطمن ان المشكلة اتحلت بس (وماعتقدش ان المشكلة هتتحل وممكن تكون فية مشكلة تانية هتظهر بالعربية بس بعدين )بس مش تدفع فلوس // او تدفع فلوس وتكبر دماغك وعوضك على الله بس برضو ممكن تكون العربية دى المعرض ادبس فيهاوالمعرض عاوز يلبسها لك ومش ممكن هيرضى يرجعها تانى
والحل التانى .انك تتمسك بحقك وما ضاع حق وراءة مطالب وامش فى كل الاتجاهات من محضر واتنين وجهاز حماية المستهلك ومقابلة مديرهم ولو بالعافية لتحريك الموضوع ولو مش عاوزين يتحركو اعملهم محضر واطلع على رئاسة الوزراء ( بص انا اسف على اللفظ اعملهم مجنون )بلغ جريدة الجمهورية بلغ رئاسة الجمهورية روح التليفزيون برنامج احمد موسى روح وزارة الصناعة ووزارة التجارة كل من لة صلة بتجارة واستيراد السيارات
وسيبك من انك تاخد بلطجية وسلاح الكلام دة هيضرك مش هينفعك ابدا اسمع كلامى اليومين دول لا ينفع الكلام دة
وان شاء اللة لو مشيت فى الموضوع التانى ماتنساش تعملهم محضر انك سلمتهم العربية تانى يوم ما استلمتها والموضوع هياخد وقت شوية بس ممكن بنسبة كبيرة هترجع فلوسك او هيسلموك عربية تانية بعد ما تتدخل حماية المستهلك والمحاضر تروح للنيابة وتبقى شوشرة للمعرض وتهددهم بغلق المعرض وتطلب بكدة فى المحاضر اللى هتعملها ان المعرض بينصب على الناس
دة الواحد لو بيشترى بسكلتة مش هيحصلها حاجة الا بعد 3سنين مش عربية زيرو تعطل تانى يوم دة كلام فارغ
ربنا معاك وشوف هتتصرف ازاى بس اطمن حقك هيرجع هيرجع
تحياتى