رد: مركز صيانة محترم لرينو
 

لو تقدر تيجي القاهرة
هكشف علي العربية بجعازها الاصلي وهنعمل كل الصيانات عند عم حمدي
ولو عندك اي مشكلة في السيارة قولها هنا وان شاء الله نساعدك

رد: مركز صيانة محترم لرينو
 

يا جماعة انتم فهمتوني غلط ,, انا عايز مركز صيانة في القاهرة انا عندش شقة هناك مفيش مشاكل خالص ,, انا أساسا عمري ما هعمل service للعربية في الإسماعيلية طبعا

أولا : انا متشكر جدا على اهتمامك وردك

بص يا برنس
عربيتي رينو لاجونا 1

انا عايز اغير طنابير
ومقصات أمامية
وريداتير
وأكشف على الفتيس الأوتو
واغير سير الكاتينة والسير العمومي
وكمان حساس الشكمان
وأكشف كشف شامل على العربية

وحاجة أخيرة
انا مركب كاسيت double din
فيه gps وخلافه
المفروض انه support multi function
لكن للأسف اللي ركبه معرفش يشغل المالتي معاه ,, لو تعرف حد
انا عندش شقة في القاهرة ومستعد اجي يومين او ثلاثة اقعد واخلص الليلة
لو تعرف حد محترم بس يبقى نظيف وبيفهم ومبيعكش
ويا ريت العناوين وانا هتصرف ان شاء الله
وآسف على الإطالة

رد: مركز صيانة محترم لرينو
 

:pty: منتظر الرد

رد: مركز صيانة محترم لرينو
 

الموضوع سهل ان شاء الله
انا هتصل بعم حمدي ونقدر نتقابل اي يوم يكون جمعه باذن الله
حضرتك هتشتري الحاجة مهتجيبها معاك ولا هتجيبها من القاهرة
ايه مشكلة الفتيس عندك

رد: مركز صيانة محترم لرينو
 

لا يا باشا أنا هجيب القطع من القاهرة ,, وبرضه مش عارف اجيبها منين الحاجات دي هتتغير لأول مرة
أما بخصوص مشكلة الفتيس
بعد تغيير زيت الفتيس ( mobil 320 )
الغيار الثالث بيتأخر شوية وساعات لما ييجي ينقل متأخر يروح صوت العربية عالي وواطي بعدها علطول يعني تعمل ( فوووم ) صوت يعني
وساعات بتنقل عادي خالص
وأيضا ساعات وأنا مسافر بس مشاوير طويلة تروح جايبة غيار عكسي ومتنقلش الا لو بطلت العربية ودورتها تاني وطبعا تروح منورة service ,, وساعات بتمشي زي الفل وبتعملش حاجة خالص
حاجة تجنن يعني
ومعلش يا باشا انا مش عايز اتعبك ,, انت ممكن بس تدلني على الميكانيكي ومكان قطع الغيار وأنا هعيش متقلقش
وطبعا لو عندك تفسير لقصة الفتيس دي يبقى ربنا يكرمك
وكمان بخصوص تشغيل المالتي بتاع الكاسيت الجديد