مصر موتورز مجتمع السيارات - ينفع أرش العربية بنفسى زى الأجانب... و لا لأ؟

مصر موتورز مجتمع السيارات (https://www.masrmotors.com/vb/index.php)

- دهانات السيارات (https://www.masrmotors.com/vb/forumdisplay.php?f=243)

- - ينفع أرش العربية بنفسى زى الأجانب... و لا لأ؟ (https://www.masrmotors.com/vb/showthread.php?t=128598)

رد: ينفع أرش العربية بنفسى زى الأجانب... و لا لأ؟

كمبرسور العجل يعطي هواء على شكل دفعات وليس مستمر وأعتقد إنه لا يصلح.

رد: ينفع أرش العربية بنفسى زى الأجانب... و لا لأ؟

اقتباس:

كمبرسور العجل يعطي هواء على شكل دفعات وليس مستمر وأعتقد إنه لا يصلح.

شكراً لمرورك و اهتمامك و ردك أخى المفكر

أنا قصدى كمبروسر الهوا اللى بيشتغل على بطارية العربية (1-2 بستم)
أعتقد ده بيخرج هوا مستمر طول ما هو شغال
و كمية الهوا بتزيد مع سرعة الكمبروسر و كفائته
انما المنفاخ اليدوى أو منفاخ القدم أكيد الهوا بتاعه متقطع و ده بعيد عن تجربتنا

رد: ينفع أرش العربية بنفسى زى الأجانب... و لا لأ؟

اقتباس:

المشاركة الأصلية كتبت بواسطة zing0 (المشاركة 967664)

شكراً لردك أخى المهندس ahmed_eng2001
ممكن تكون فكرة الخزان دى هيا اللى ناقصة
بس لو افترضنا ان كمبروسر العربية الصينى ده ممكن ينفخ هوا بإستمرار لمدة 15 دقيقة مثلاً
و بضغط 100 PSI (حوالى 6.89 بار), و بكمية 30 لتر/دقيقة
و مع التحكم فى مسمار ضبط الهوا و مسمار ضبط كمية الطلاء فى مسدس الرش
أعتقد ممكن الفكرة تنجح بدون خزان هوا
المثال ده لأقل جهاز 1 بستم, الـ 2 بستم أكيد أقوى

فيه دلوقتى منفاخ يدوى بيرش مبيدات مذابة فى الماء و زيوت على النباتات و موجود فى محلات بيع أدوات الحدائق
و ده يدوى, يعنى و لا خزان و لا هوا مستمر, ده داخله هواء متقطع, و بيرش بإستمرار,بس للأسف ميستحملش لزوجة الدهانات

لو حد جرب الفكرة هيكون رده قاطع
و برضه خبراء الدهان ممكن يفيدونا بخبرتهم
و شكراً مرة أخرى لتفاعلك و اهتمامك أخى ahmed_eng2001

اخى العزيز zing0

فكرة رشاش الزرع فكرة كويسة جدا ..... بس زى ما حضرتك ذكرت ... مش حيستحمل لزوجة الطلاء .... ده الصغير الى بيتشال باليد صح ؟
فيه نوع محمول على الظهر ... تنكه كبير ... و اعتقد انه من الممكن يتحمل لزوجة الطلاء .... الا انى اعتقد انه غالى شوية ... اعذرنى ... انا فعلا مش فاكر تمنه كام بالظبط

معلومة صغيرة خالص لحضرتك ..... لازم لما ترش اى حاجة بالطلاء .... لازم يكون فى مكان نظيف و مقفول و مفيش فيه تراب .. علشان كدة الناس بترش الوش النهائى داخل الفرن

رد: ينفع أرش العربية بنفسى زى الأجانب... و لا لأ؟

جزاك الله خيراً لمتابعتك أخى ahmed_eng2001

اقتباس:

معلومة صغيرة خالص لحضرتك ..... لازم لما ترش اى حاجة بالطلاء .... لازم يكون فى مكان نظيف و مقفول و مفيش فيه تراب .. علشان كدة الناس بترش الوش النهائى داخل الفرن

دى ترتيبات تانية, الأجانب بيعملوا كابينه من المواسير و المشمع البلاستيك (ممكن نعلق المشمع على 4 حبل غسيل مشدود على شكل حجرة الطلاء مش لازم مواسير)
و بالنسبة لظاهرة التسييل و التغبير لازم تكون مسافى الرش _ بين المسدس و العربية_ فى حدود 30 سم, لو قربت زيادة هتسيل, و لو زادت المسافه أوى هتعمل غبار

أنا أعرف ان تانك رش الزرع الصغير بـ 25 ج
معرفش الكبير بكام, هحاول أسأل عليه

أنا عاوز أقولكم أنى ناوى أرشها (لاكيه) مش دوكو, جربته و حاولت أشيله بعد كده ,مستحيل, و لا ثنر و لا غيره, بس لما أجهز مكنة الرش كويس هتناقش فى الخطوات دى

رد: ينفع أرش العربية بنفسى زى الأجانب... و لا لأ؟

اقتباس:

المشاركة الأصلية كتبت بواسطة zing0 (المشاركة 967873)

جزاك الله خيراً لمتابعتك أخى ahmed_eng2001

دى ترتيبات تانية, الأجانب بيعملوا كابينه من المواسير و المشمع البلاستيك (ممكن نعلق المشمع على 4 حبل غسيل مشدود على شكل حجرة الطلاء مش لازم مواسير)
و بالنسبة لظاهرة التسييل و التغبير لازم تكون مسافى الرش _ بين المسدس و العربية_ فى حدود 30 سم, لو قربت زيادة هتسيل, و لو زادت المسافه أوى هتعمل غبار

أنا أعرف ان تانك رش الزرع الصغير بـ 25 ج
معرفش الكبير بكام, هحاول أسأل عليه

أنا عاوز أقولكم أنى ناوى أرشها (لاكيه) مش دوكو, جربته و حاولت أشيله بعد كده ,مستحيل, و لا ثنر و لا غيره, بس لما أجهز مكنة الرش كويس هتناقش فى الخطوات دى

الله ينور عليك
فكرة احبال الغسيل دى كويسة جدا ... و معلومة التسييل و التغبير جديدة عليا

حضرتك تقصد لاكيه البويات ؟؟ الى بندهن بيه الاخشاب و الابواب الحديد بالفرشة ؟؟!!!