مصر موتورز مجتمع السيارات - مساعدة فى محرك الفيرنا

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - مساعدة فى محرك الفيرنا (https://www.masrmotors.com/vb/showthread.php?t=127304)

رد: مساعدة فى محرك الفيرنا

اقتباس:

المشاركة الأصلية كتبت بواسطة mr_astra (المشاركة 963301)

بعتزر للتاخير
طالما العربية سخنت يبقى من المحتمل ان الوش قفع
ولو افترضنا ان الوش قفع يبقى عمرة ما هايقفل على البلوك بنسبة 100%
مفروض الوش كان راح للخراط وقشطة (حل غير عملى ) وركب جوان دوبل او 2 جوان عادة لنجريد
انا معرفش اية اللى تم فى الوش عند حضرتك
لكن واضح ان المشكلة فى الكستبانات فعلا بقى فيها صوت تاكيهات بسبب اما ان الكامة بقى فية فرق بنها وبين الكستبان
او
الزيت لما سخن بقى غير قادر على تزييت الكستبانات فعملت عضعضة او تاكل جزئى فى شميز الكستبان
والكلام دة ممكن يكون حصل فى كستبان او اكتر
الحل
على حسب قدرة حضرتك على الاصلاح
الانسب انك تغير الوش بالكامل
لو مش جاهز دلوقتى ممكن نغير الزيت طبعا وتعمل مشوار كبير شوية على سرعات عالية

شكرا لك اخى الكريم على حسن المتبعة والرد واحب اطمن حضرتك ان الوش سليم ولم يحدث له تقفيع بدليل ان السيارة لاتسخن وسحبها مشاء الله احسن من الاول ولكن المشكلة فقط فى صوت المحرك العالى لذلك بما تنصحن بخصوص افضل زيت ممكن وضعه للسيارة علما بانه تم وضع زيت مصر 10000 الجركن الذهبى منذ تغيير جوان وش السلندر ولم يقم المكنيكى بتغيير الفلتر القديم

رد: مساعدة فى محرك الفيرنا

اقتباس:

المشاركة الأصلية كتبت بواسطة mr_astra (المشاركة 963301)

اقتباس:

المشاركة الأصلية كتبت بواسطة Hisham.Elgazzar (المشاركة 963343)

قدر الله وماشاء فعل
كلام مستر أسترا مظبوط جدا لأن عن تجربة حصل ان كاتينة قفشت فى عربية اخويا واضطرينا نعمل صبابات وخراطة وش
وبعد تركيب الجوان الأصلى بقى صوت المكنة الصبح زى الديزل وبعدين دقيقة ولا 3 دقايق بالظبط وتخرس لكن المكنة كانت بتسخن وبعناها

الحالة دلوقتى ايه هل عربيتك بتسخن معاك والا الدنيا مظبوطة
لو مظبوطة خليها على كدا لأن مش عوزين نجازف ونروح نشترى وش استراد وبختك يبو بخيت هتصرف والله أعلم الوش عاوز جلد صباب ولا ايه ولا ايه
عموما طلاما مفيش اى حرارة زيادة توكل على الله وحط لها زيت نضيف واطلع بيها مشوار ممكن الكستبانات ترجع صوتها يهدى شوية
وعلى فكرة لمعلوماتك فيه إضافات بتتحط ع الزيت بتهدى صوت الموتور من جوا وبتحافظ عليه
وانتظر شوية وسايسها على ما ربنا يفرجها ربنا يعينك

مشكور ياغالى على حسن المتابعة والعربية لاتسخن وسحبها تمام وماهو الزيت المقترح لها وماهو اسم الاضافة الى تؤدى لتهدئة صوت الموتور مع الشكر

رد: مساعدة فى محرك الفيرنا

اقتباس:

المشاركة الأصلية كتبت بواسطة حسام البورسعيدى (المشاركة 963351)

لو الموضوع طقم كستبانات بس غيرهم بدون ما تشترى وش كامل وسعرهم اعتقد فى حدود 400 جنية للطقم كامل 16 كستبان

بس ده لو وش السلندر سليم ومحصلش فيه تقفيع وكشط فى المخرطة (standrd يعنى)

بارك الله فيك استاذ حسام ولكن اين يباع طقم الكستبانات بالسعر ده لانى المكنيكى قالىان سعرهم فى حدود 800 جنيه بواقع 50جنيه لكل كستبان وان كنت تعرف مكان يبيع الطقم كامل بهذا المبلغ ارجو اعطائى اسمه مع وافر الشكر وبالمناسبة الوش لم يتم خرطه ولكن تم تغيير طقم صبابات فقط

رد: مساعدة فى محرك الفيرنا

السعر ده بالنسبة للكستبانات الجديدة اما الاستيراد هيكون ارخص من كده زى ما قلت لحضرتك .. بس هل الصوت ده كان موجود من الاول قبل ما تغير جوان وش السلندر ولا ظهر فجاه بعد تغيير الجوان ؟؟

اذا ظهر فجأه بعد تغيير الجوان يبقى غالبا يوجد انسداد فى مجارى الزيت فى وش السلندر بسبب عدم الاهتمام بالتنظيف الجيد من قبل الميكانيكى ..
اما لو الصوت موجود من قبل تغيير الجوان بسبب وجود مياه على الزيت لما كان الجوان تالف يبقى فعلا انت محتاج طقم كستبانات زى ما قلتلك ..

رد: مساعدة فى محرك الفيرنا

اقتباس:

وبالمناسبة الوش لم يتم خرطه ولكن تم تغيير طقم صبابات فقط

طالما غيرت صبابات يبقى نستنى شوية 2000 كم ولا حاجة عشان يمكن الصوت يروح من نفسة
بس لو مشوار طويل على ار بى ام عالى النتيجة هاتكون اسرع