مصر موتورز مجتمع السيارات - غش ونصب شركة رينو مصر و الطارق للسيارات

مصر موتورز مجتمع السيارات (https://www.masrmotors.com/vb/index.php)

- رينو RENAULT (https://www.masrmotors.com/vb/forumdisplay.php?f=16)

- - غش ونصب شركة رينو مصر و الطارق للسيارات (https://www.masrmotors.com/vb/showthread.php?t=126365)

رد: غش ونصب شركة رينو مصر و الطارق للسيارات

شوف حضرتك انا اعرف معرض سيارات زيرو وعنده سواقين بيبعتهم يجيبوا السيارات من القاهرة واسكندرية طبعا السواقين دول لازم بيعملوا حوادث فى الطريق تبتدى من اول الخدوش وصولا للخبطات الكبيرة زى اللى فى عربيتك طبعا السيارات دى بتتصلح عند ناس خبرا مش عايز اقولك ان بيبقى صعب على الزبون العادى يكتشفها وبتتباع فى المعرض عادى وده موضوع ذمة وضمير بقى

رد: غش ونصب شركة رينو مصر و الطارق للسيارات

أنا كان ليا تجربة مع شركة الطارق للسيارات ، حيث توجهت الى مقر الشركة بجوار كارفور وشاهدت كل السيارات الموجودة لديهم وإخترت سيارة رينو فلوانس الفئة الثانية ، وكالعادة اللون اللى أنا عايزه ( الأبيض ) غير موجود ووعدونى بتوفير السيارة فى الدفعة التى ستصل بعد إسبوع وقمت بدفع مقدم حجز 5000 جنيه ، لكننى توجست منهم خيفة فتوجهت صباح اليوم التالى لمقر الشركة وقلت لهم أنا عايز سيارة أستلمها دلوقت وأمشى بيها فقالوا مافيش غير اللانسر اليابانى هى المتوفرة فى المخازن - إختار اللون وهانبعت نجيبهلك قلت لهم لأ أنا هاروح المخازن مع أحد مندوبيكم وأختار السيارة هناك بنفسى وفعلاً ذهبت وهالنى كمية السيارات المهولة الموجودة بالمخازن ومنها الفلوانس البيضاء اللى قالوا لى إنها غير متوفرة فعرفت إنهم بيلعبوا بيا عشان ياخدوا فلوس زيادة ، المهم إخترت سيارة لانسر من الموجود وإستلمتها فوراً وباللون اللى عجبنى وطبعاً خدت أوراقها بعد إسبوع

رد: غش ونصب شركة رينو مصر و الطارق للسيارات

انتو قلقتو الواحد ياجماعه طيب لما الواحد يروح يشترى
ياخد معاه ميكانيكى ولا يعمل ايه عشان يتلاشى الحاجات دى؟؟

رد: غش ونصب شركة رينو مصر و الطارق للسيارات

موضوع مهم جدا بس بعيدا عن الحاجات اللى حضرتك ذكرتها هل السانديرو سيارة مناسبة للطرق السريعة؟
وهل عومل الثبات والأمان فيها كافية؟
وماذا عن قطع غيارها وخدمة ما بعد البيع؟
وكده بقى يبقى الواحد يشترى منين أفضل مكان؟
وشكرا جزيلا