رد: افضل السنوات للصني المستعمل
 

اللى يفرق فى المقارنة السعر لو الخليجى 2006 صاحبها طالب سعر كويس ومعقول والحالة تمام والعداد تمام ومش مضروب تبقى فل يا اما تجيبى 2011 وساعتها هتكونى واثقة من العداد لان سعب اللعب فى موديل عالى زى دة الحالة بتبان

رد: افضل السنوات للصني المستعمل
 

لا طبعاً مينفعش تروحى تجيبى عربيه موديل 2006 علشان خليجى وتسيبى ال 2011 ذات الكيلو متر القليل واللى يعتبر ممشيتش
فانتى توكلى على الله فى ال 2011 وطبعاً أكشفى عليها كويس فى التوكيل

رد: افضل السنوات للصني المستعمل
 

الصراحة الصنى فئة اعلى و افضل من اللوجان حتى بالرغم انها مستعملة
لان بالسعر دا حتبقى حالتها ممتازة و فعلا لو حتاخدى عربية لازم الكشف الشامل بالتوكيل

مش عايز اشتت حضرتك
بس فى عربية اخت الصنى بس تقفيل كورى و جودة اعلى بس هى هى الصنى عدا فروقات بسيطة فى الشكل الخارجى و نفس قطع غيار الصنى عدا الفوانيس و الكابوت و الشنطة
اسمها رينو سكالا
و اكمنها مش مشهورة فسعرها بيبقى اقل من الصنى
و المبلغ المرصود يجيب منها شبه زيرو
لسة زميل لى جايب واحدة ب 85 كانت عاملة 19 الف كم و صيانات كلها مختومة من التوكيل و العربية مكنش فيها خدش غير انبعاج بسيط فى الاكصدام الخلفى و خدش بسيط فى علامة رينو اللى على الدركسيون !

http://4.bp.blogspot.com/-PtP3YDAdwm...LA-2011-05.jpg

رد: افضل السنوات للصني المستعمل
 

انا عملت بالنصيحة بس الظاهر مفيش نصيب , صاحب العربية لما عرف اني عايزة اكشف في التوكيل فص ملح و دابو يا ترى ليه؟؟ :thinkW19:
المهم انا هستمر ان شاء الله بس معلش لو فيها تتقيل عليكم بس سؤال كمان
هو انا ممكن اكشف في التوكيل على حالة و عداد عربية خليجي ولا المصري بس؟
و بالنسبة للرينو سكالا اخبار قطع غيارها ايه؟ زي اللوجان برضه؟ و هل اعتماديتها زي الصني؟

رد: افضل السنوات للصني المستعمل
 

الحمد لله انه فص ملح و داب لان كدا باين اوى انه مدارى حاجة
حكاية كشف فى التوكيل للخليجى مش عارف بس بتهيألى مش حيمانعوا خصوصا ان الكشف مش ببلاش

قطع غيار و اعتمادية السكالا طبق الاصل الصنى ( على فكرة رينو و نيسان واحدة منهم اشترت التانية مش فاكر - او اندمجوا )
الفرق بس ان السكالا تجميع كورى افضل بكتير من تجميع الصنى فى مصر

على العموم لسة كنت بشيك لزميلى دلوقتى حالا عن اسعار السكالا حاليا لقيت على كوناكت كارز 7 عربيات و ال 7 ما شاء الله
و زميلى كنا اخترناها مع بعض من كونتاكت كارز و راح قابل صاحبها و خلص معاه و العربية معاه ما شاء الله زيرو
و اللينك اهو
http://www.contactcars.com/usedcars_...7&CarModel=516