رد: ايه رايك فى اتوبيسات النقل العام الجديدة
 

رد: ايه رايك فى اتوبيسات النقل العام الجديدة
 

ديما اي فكرة بتنزل فالتكنلوجيا عموما .. بيقابلها .. ثرثرة الجهلاء .
ومن ثما يبدءو يوعو ويفهمو فكرتها وخواصها .. وبعدين يبدء يمجدو فيها .


الفكرة زي ما قال الاخ Hisham.Elgazzar
خطوط معينة . وبتسعيرة معينة . وبعدد معين .
اما بالنسبا لموضوع السياح فـ في فعلا اتوبيسات مؤهلة بالكلام دة . ومكروباصات اتش ون .

وعموما هيئة النقل العام اصبحت محسنة بشكل كبير . ومبقاش فية اتوبيس مليان عالاخر زي زمان .. والاتوبيس ألي جيبين صورو دية من التسعينات وفي مش بمصر اصلا.

وبعدين لازم يكون في تفائل مش كلها تشائم كدا واحباط

ومش كل ما اي حاجة كويسة تحصل وبالاخص فالتكنلوجيا تفضلو تمسكو لينا الليستا الحمضانة الي نصها اصلا غير دقيق وتبليف ورغي

بالظبط زي ايام احمد نظيف كنتم انتم برضو ألي بتتريقو علي شغلو في تطوير التكنلوجيا .. ولولاها مكنش فية ثورة حصلت من الاساس .

زي برضو لما عملو التاب المصري ... كمية تريقة مهولة وكانهم عملو فلم سكس .. علي انو جهاز افضل من الصيني
وعلي اني الصين نفسها محدش فيها بيتريق علي حاجة
بالعكس بتعمل مبيعات رهيبة علي حس نفس الفئة ألي اتريقت عالمصري

وتلاقي كل واحد في الطيفة دية .. فاتح بقو3 متر وبيتريق ويقلك دة مش مصري دة تجميع مصري دة حتي الاندرويد منزلينو من جوجل .. او البروسيسور او او او ..
جملة تدل انة انسان متخلف ولا يملك اي معلومات ومع ذالك بينشر المعلومة الفاسدة وبيلاقي اقبال من التشجيع المهول .. حتي تنتهي السلعة بأني الناس بتكون عايزة تشتريها بس بتخاف انها تتحرج او حد يتريق عليها لانها اشتريتها ..


وفالنهاية الامور لازم تكون بالتوازي جمب ألي جمب تطوير فالتكنلوجيا وتطوير فالصحة ووو

ولا تكون الامور بالتوالي

واذا شفنا ألي عملوة في الاتوبيس في تطوير التكنلوجيا هتلاقونا لازلنا متأخرين جدا جدا .
لكن لأننا بطبيعة الحال شعب يتسم بالجهل فالمعلومات فلا ندري عن الاخرون شىء

تقبلو احترامي

رد: ايه رايك فى اتوبيسات النقل العام الجديدة
 

ياريتنى أشيل التابلت المصرى ده جميل جدا يا سلام على الأقل أحسن وأفضل وأقوى من الصينى


نزلت النهردا قولت اجرب المينى باص السمارت الجديد

التزكرة ب اتنين جنيه ونص من غمرة للمطار وفى العادى لو عاوز تروح على نفس الخط هتركب ميكروباصين بجنيه ونص الواحد يبقى انت الكسبان وكمان وفرت نص جنيه بحالو



بس مع الأسف طلع المينى باص ما اشتغلتش عليه خدمة السمارت والواى فاى لسه :hd: :hd:

رد: ايه رايك فى اتوبيسات النقل العام الجديدة
 

انا ليا سؤال فنى معلش النت ده السيرفيس بروفايدر بتاعه اخره 7.5 ميجا فكك من ان الباند ويدث مفتوح

لكن 7.2 ميجا على 50 مقعد يعنى كل واحد نصيبه 147 كيلو بت فى الثانية حلو اعمل حسابك ان مع كل كيلو بتجريه العربية كسرعة بيأثر 5 كيلو على الكونكشن يعنى لو الاتوبيس ماشى بسرعة 80 يبقى النت سرعة هتنزل ل 6.7 ميجا يعنى نصيب الفرد 137 كيلو بت فى الثانية

دول يعملو ايه ولا ايه هيفتحولك يوتيوب ولا فيس بوك ولا ايه طب لو واحد استغبى و عمل داون لود هيحصل ايه

انا عاوز حد يقنعنى ازاى ده ولا هما عاملين لكل كرسى مودم لوحده ؟!

رد: ايه رايك فى اتوبيسات النقل العام الجديدة