رد: مشكلة في شاهين الإنجكشن
 

هتلاقى حساس الشكمان كان السلك بتاعه مدلدل من تحت واتقطع او خراطيم البنزين حصل فيها سدد زى ما مستر استرا قال وياريت محدش يمد ايده ف العربية غير لما تبص على الحاجتين دول
[Q
UOTE][/QUOTE]


أستاذ حازم الجزار
جزاك الله خيرا على إهتمامك بمشكلتي والرد عليها .
وهذان السببان الذان تفضلتم بذكرهما قد يكونان فعلا سبب المشكلة من مدافع مستمرة بالسيارة وتبطيل مستمر ونتشة ورعشة ورجرجة شديدة .
وأنا أعرف حساس الشكمان وسوف أتتبع سلوكه غدا صباحا بإذن الله .
وإذا كنتم تعرفون ميكانيكي شاطر في نظام الإنجكشن فإذا تكرمتم بإعطائي عنوانه أكون لك من الشاكرين .

رد: مشكلة في شاهين الإنجكشن
 

حساس الكرنك فعلا يمكن أن يكون السبب في المدافع المستمرة والنتشة والرجة في السيارة . وبإذن الله أكشف عليه غدا . لكن مكانه فين بالضبط ؟ وإزاي أكشف عليه ؟ وتقبل خالص شكري

رد: مشكلة في شاهين الإنجكشن
 

فعلا انا مؤيد جدا انه حساس الكرنك
لان اولا الماتور عندك بالطول و فى نص العربية و دا يخلى حساس الكرنك و الترس هدف مثالى لمطب فى نص العربية

هو المفروض الترس بتاعة ورا طمبورة الكاتينة اللى راكبة على الكرنك يعنى و الله اعلم حيبقى عندك قدام تحت لان الفتيس عندك ورا
و الحساس بيبقى عبارة عن لاقط مغناطيسى و راكب على قاعدة و قريب جدا من سنان الترس
حتلاقى حاجة اكيد حصلت
يا القاعدة اتلوحت يا الترس حصله حاجة يا الضفيرة يا الفيشة بتاعته ........... راجع على كل دا

رد: مشكلة في شاهين الإنجكشن
 

باشمهندس أحمد على
أنا كنت في غاية التشوق لكي أسمع رد سيادتكم في مشكلة سيارتي الشاهين التي أخذت خبطة من أسفلها .
لك جزيل الشكر .
سأكشف غدا بإذن الله على حساس الكرنك . وسوف أتواصل مع سيادتكم .
ولو تعرف يا باشمهندس ميكانيكي فاهم في الحقن الأنجيكشن فبرجاء أن تدلني عليه , وياليت أن يكون قريبا من منطقة المنيل . وشكرا .

رد: مشكلة في شاهين الإنجكشن
 

يا باشا العفو و عشان اكون حقانى انا لما شفت وصف المشكلة كنت ناوى اكتب حساس الكرنك بس لقيت الاستاذ محمد و الاستاذ هشام الجزار سبقونى فانا بس باكد الاحتمال دا
و يشرفنى تقدير حضرتك الطيب
بس و الله للاسف انا من الاسكندرية معرفش حد فى المنيل