مصر موتورز مجتمع السيارات
صفحة 2 من 4 1 2 34
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   كهرباء السيارة (https://www.masrmotors.com/vb/forumdisplay.php?f=149)
-   -   بطاريات السيارات و النصب على العالم (https://www.masrmotors.com/vb/showthread.php?t=120659)

atgps 10-11-2013 10:31 PM
رد: بطاريات السيارات و النصب على العالم
 
موضوع غريب شوية ومحتاج بحث
لأن هناك عوامل آخرى غير الفولت لادارة المارش
أهم عامل هو CCA وهو اختصار Cold Cranking Amperes وهو التيار اللازم لادارة المحرك لمدة معينة من الوقت فى درجة حرارة معينة بدون أن يحدث هبوط فى الفولت وده بيكون حوالى من 300 الى 500 أمبير، فمثلا لايمكن أن تبدأ تشغيل محرك سيارة ببطارية 12 فولت 4 أمبير وال CCA بتاعها 30 أمبير مثلا
طيب هل Ultracapacitor يمكنه اعطاء الآمبير الازم لادارة المحرك؟
على فكرة احتمال يكون الكلام ده صحيح فعلا، فالاسانسير الموجود فى البيت عندى يمكنه العمل حتى لو انقطع التيار الكهربائى وقد قمت بقطع التيار عنه على سبيل التجربة وبالفعل وجدته يعمل حتى يصل الى وجهته ثم ينقطع التيار عنه، فاحتمال أن يكون بيستخدم نفس الطريقة، على العموم ساسأل على طريقة عملة.

atgps 10-11-2013 10:39 PM
رد: بطاريات السيارات و النصب على العالم
 
اقتباس:
المشاركة الأصلية كتبت بواسطة احمد على 1999 (المشاركة 928206)
موضوع شيق
طيب انا شفت عربيات فى مصر هى صحيح بتاعة خبراء اجانب تابعين لشركة تعمل بمصر بس العربيات هنا فى مصر مركبين لوحة خلايا ضوء شمسية للحفاظ على البطارية لاطول وقت
اكيد الوح دا بينباع فى مصر ساعتها هو يبقى الحلقة الناقصة للحفاظ على طاقة المكثفات
لان مش عملى انى لو راكن العربية كذا يوم انى اضطر ادورها كل يوم مدة للشحن
حتبقى غير اقتصادية بالمرة

المشكلة العويصة بقى
ان ساعات ممكن عربية تعطل على طريق مظلم و بتبقى البطارية مهمة لابقاء الاضواء تعمل لتجنب خطر تصادم عربية تانية من الخلف و ممكن استطاعة البطارية ابقاء الاضواء تعمل حتى الصباح
يمكن عمل الموضوع ده، أنا عندى اللوحة الشمسية ديه بس مخصوصة لذلك ولها المكان المخصص ودايما بأستعملها لسفرى الدائم أكثر من شهر.
ويمكن عملها بشراء لوحة شمسية بخرج 18 فولت و20 أو 30 وات وديه موجودة عند محلات الالكترونيات، المشكلة ان اللى موجودة فى مصر حجمها كبير جدا.
وده لينك ليها فى رام
http://ram-e-shop.com/oscmax/catalog...oducts_id=2554

ramy safwt 11-11-2013 12:09 AM
رد: بطاريات السيارات و النصب على العالم
 
انا عندى حاجه بسيطة بستخدمها لما البطارية تفصل عندى كنت عاملها من شوية خرده عشان مقعدش ازق فى العربية و كده

ببساطة عبارة عن اربع بطاريات ليثيوم مجموعهم 14 فولت من بتوع الاب توب و بنك مكثفات ليه قطبية و دايود

الاربع بطاريات مجموعين على بعض توالى المكثفات مجموعة توازى

الارضى مشترك بينهم كلهم

موجب البطاريات خارج لوحده بدون ما يوصل على موجب المكثفات و ده عشان شحن البطارية ميرحش بسرعة و كمان المكثفات ليها حسبة لوحدها

موجب المكثفات راكب عليه دايود عشان يخلى التيار يخرج من المكثفات لبطارية العربية و ميرجعش يشحن تانى من بطارية العربية عشان متنفجرش

التشغيل بتاعه كالتالى

لما البطارية تفصل بتوصل الارضى فى اى حته و توصل طرف الدايود على موجب البطارية بتاعة العربية

حد يدور من جوه الكونتاكت و انت تلمس و تسيب موجب البطاريات قبل الدايود على موجب المكثافات

هيحصل تأخير حوالى ثانية او ثانية و نص لكن العربية هتدور و توفر على نفسك مجهود انك تزقها و الجو ده

ممكن يتعملها زرارين فى التابلوه و احد يشغل المكثافت و البطاريات و انت بتدور يقوم يوفر وجود شخص اضافى و واحد تانى يوصل البطارية بدون المكثافات عشان تتشحن من بطارية العربية لما تكون الظروف سامحة بكده

فى كل الاحوال مينفعش تسيب المكثفات موصولة بعد ما العربية تدور عشان متخربش ريجليتور الدينامو


و طبعا ده مينفعش يكون بديل للبطارية هيا بتساعد بطارية العربية الاساسية عشان تجيب الاسبارك بتاعة الاجنيشن و تحمل الباقى على الدينامو لو الدينامو مش مظبوط يبقى ده ملهوش لزمة و مينفعش تشيل اى حمل للعربية غير انها تخدم البداء بس بدل ما تزق و تبهدل نفسك

http://www.masr1.com/di-R7TG.jpg


http://www.masr1.com/di-SNML.jpg

dragon xp 11-11-2013 12:39 AM
رد: بطاريات السيارات و النصب على العالم
 
اقتباس:
المشاركة الأصلية كتبت بواسطة atgps (المشاركة 928252)
موضوع غريب شوية ومحتاج بحث
لأن هناك عوامل آخرى غير الفولت لادارة المارش
أهم عامل هو CCA وهو اختصار Cold Cranking Amperes وهو التيار اللازم لادارة المحرك لمدة معينة من الوقت فى درجة حرارة معينة بدون أن يحدث هبوط فى الفولت وده بيكون حوالى من 300 الى 500 أمبير، فمثلا لايمكن أن تبدأ تشغيل محرك سيارة ببطارية 12 فولت 4 أمبير وال CCA بتاعها 30 أمبير مثلا
طيب هل Ultracapacitor يمكنه اعطاء الآمبير الازم لادارة المحرك؟
على فكرة احتمال يكون الكلام ده صحيح فعلا، فالاسانسير الموجود فى البيت عندى يمكنه العمل حتى لو انقطع التيار الكهربائى وقد قمت بقطع التيار عنه على سبيل التجربة وبالفعل وجدته يعمل حتى يصل الى وجهته ثم ينقطع التيار عنه، فاحتمال أن يكون بيستخدم نفس الطريقة، على العموم ساسأل على طريقة عملة.
المكثف من صناعة شركة ماكسويل بيصنعوا الالترا و ده بيبقى عازل صلب الحالة كل مكثف من الي في الفيديو الزرق دول بيدي 350 فاراد و الفولت الاقصى ليه 2.7 و عشان تعرف كمية الامبير الي هتنتج من مكثف واحد هتضرب الفاراد في الفولت يطلعلك الامبير في الثانية و هيكون لو الفولت 2 و الفاراد 350 ب 700 امبير في الثانية لمكثف واحد اضرب في 7 يديك 4900 امبير في الثانية فتخيل انت بقى و المكثفات بتشتغل من 40 سلزيوس تحت الصفر لحد اكتر من 65 فوق الصفر و لك ان تتخيل قوة المكثفات
بالنسبة للمكثفات الي انت مصورها مع البطاريات جبتها منين و بكام و هل موجود المكثفات الالترا ديه في مصر ولا لازم تتجاب من بره ؟؟
و شكرا على ردك

dragon xp 11-11-2013 12:47 AM
رد: بطاريات السيارات و النصب على العالم
 
ايه ده عندنا خلايا شمسية بتتباع عادي كده انا افتكرت ان الهيئة الي بتعمل بس و طبعا للمشاريع الكبيرة عامة متشكر لردك جدا atgps و شكرا على اللينك الشيق


الساعة الآن 08:56 AM.
صفحة 2 من 4 1 2 34
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017