|
رد: عيوب الميجان هتشباك موديل 2007
شكرا ياجماعة على الافادة بس بالنسبة للقطع الغيار فهل هى معمرة على اساس الشوارع اللى احنا ماشيين فيها والبهدلة اللى حتحصل للعربية فهل بتبقى معمرة ولا بتبوظ اجزاء فيها بسرعة ووانا قرات هنا فى المنتدى ان اللى بيشتريها بيفضل جمب التوكيل بمعنى ميعديش فترة قليلة ويروح للتوكيل تانى وفى حجات بتبوظ فيها بسرعة وشكرا
|
رد: عيوب الميجان هتشباك موديل 2007
قريت فين الكلام ده...؟؟؟؟
كل الناس بتقول...إعمل الصيانات الدورية فى ميعادها و هى تمشى معاك زى الساعة... الصيانات بتكون كل 10 آلاف كيلو ( 10و 20و 30 ألف )....و فى صيانات مجانية التوكيل بيعملها إجبارى كخدمة منه للعملاء بين الصيانات السابقة للاطمئنان على السيارة ( 5و15و25و35 )...و هى بصحيح مجانى مش نصب و لا حاجة... بالمناسبة...فى ضمان على قطع الغيار من التوكيل...يعنى مش أغير تيل النهاردة يعمل مشكلة بعد 5 آلاف يقولوا لى مالناش فيه...لأ...بيتغير و مش بتدفع المصنعية بتاعت تغييره كمان غالبا.... |
رد: عيوب الميجان هتشباك موديل 2007
بص يا محمد.....إنت شكلك معجب بالعربية لكن قلقان من الأقاويل.....
شوف...هى مش كل الناس ممكن تعجب بيها...هى ليها شخصية قوية جدا مميزة لها.... يعنى هى ناعمة جدا و فيها عزل للمقصورة رائع لكن ما أقدرش أقول عليها إن أداءها رياضى ...خصوصا بالفتيس الأربع نقلات أوتوماتيك مش معنى كده إنها سلحفاة...و إنما مش ده إللى بيميزها...هى ركوبة فيها قدر من الوقار و الراحة و الهدوء و السلاسة...مش زى الهوندا إللى ممكن تخلى موتورها يوصل 7 و 8 آلاف لفة و هى ماعندهاش مشكلة و لا فتيسها بروعة فتيس ال VW إللى راكب فى الجيتا و ال A5 ...لكن هى متفوقة فى نواحى تانية منها نواح جمالية كمان...ممكن تراجع موضوع سر حب مالكى الميجان II لسيارة و إقرا شوية كمان فى المواضيع إللى هنا خصوصا المثبتة |
رد: عيوب الميجان هتشباك موديل 2007
مشكور ياشاتو ربنا يجزيك خير على المعلومات وانا متابع علشان اعرف معلومات اكتر عن العربية وياريت اعرف مصاريفها فى السنة كتير ولا مش بتحتاج مصاريف ودة بيعتمد على مدة جودة قطع الغيار يعنى فى حجات معينة فيها بتتغير باستمرار وشكرا
|
رد: عيوب الميجان هتشباك موديل 2007
وكنت عاوز اعرف لية مش منتشرة فى مصر بشوف السيدان اكتر منها
|
| الساعة الآن 12:03 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017