|
رد: الاخوة مؤيدي و معارضي الدكتورمرسي
يا ساده يا كرام المشكلة ليست في مؤيد ولا معارض المهم نقيم أداء الدولة هل تم أو يتم إرساء معايير العدالة الاجتماعية هل يتم ترسيخ مبدأ الديمقراطية هل يعامل كل الناس سواسية أمام قانون محترم هل تقمع فئة غالبة الفئة الأخرى بسبب وبدون سبب لو الإجابة بنعم فأنا لن أوافق على القائم على الدولة طبعا لحد ما أشوف كل القيم اللي طالبنا بيها في الثورة -25 يناير- واللي لحد دلوقتي كل الناس بتلف ومحدش بيحقق ولا أي حاجة منهم يعني لحد ما أشوف البلد بدأت تتوجه لمطالب الشعب هفضل أطالب بيها |
رد: الاخوة مؤيدي و معارضي الدكتورمرسي
|
رد: الاخوة مؤيدي و معارضي الدكتورمرسي
اين المبادئ والقيم فى مجتمع رفض كل شئ جميل
فى مجتمع يرفع شأن كل خسيس ووضيع فى مجتمع اغفل حق كل انسان يتنفس حياه لا يملكها الا من خلقه سبحانه نسينا كلنا ورمينا ورا ضهرنا حياة ربنا كله اتسعر وتحول وقت تقسيم البلد لنهشه فى شرف فلان والعبث فى شخص علان كله جاله داء العزه رغم اننا كلنا عارفين كويس اوى ان العزة لله جميعا فين الحياة الكريمه اللى اى انسان بيحلم بيها فى جو نضيف مش ملوث بالزيف والوقاحه وقلة ضمير ورحمة بين ولاد دين واحد وولاد وطن واحد ليه كل اللى بيقع للتانى بيدبحه فين اخلاق التسامح و العفو عند المقدره فين مراقبة الرقيب علينا محدش فينا ملاك بس اوعى تروح للهلاك |
رد: الاخوة مؤيدي و معارضي الدكتورمرسي
المسئله في تصوري كالآتي :
- نسبة الفساد في البلد مرتفعة لحد الجنون في كل مصالح الدولة و كل المجالات بلا مبالغة - الفاسدين اصلآ مصريين يعني مش ممكن ببساطه طردهم م البلد - الوصول للوضع الامثل بين الدول بعد الحالة المنحطه التي وصلنا لها كدوله يجب ان يتم بالتدريج - مش ممكن نتصور ان اختيار رئيس محترم كافي لتحويل مسار قطار متكدس من اتجاه الفساد بمنتهى السرعه لأتجاه الصلاح في لمحة عين - التحول التدريجي سنه فعند تحريم الخمر حرمها الله بالتدريج كما نعلم . - للبدأ في التحول بالتدريج للصلاح يجب ان يقود السفينه قبطان محترف تعامل مع البشر كافة و بالاخص الفاسدين منهم لأن الرئيس لو فرضنا انه جاء اليوم و أوضح انه قادم للقضاء على الفساد من جذروة فهو يتكلم عن ناس عاشوا عمر يلهطون و يتقوتون على الحرام يعلمون انه لو تمكن م البلد فلن يمكنهم من حياتهم المعتاده و لا حتى يغفر لهم ما قد مضى فهم في حرب معه من اول لحظه الربان الناجح يهادن البعض و يقوم البعض و يقاتل البعض يعرف كيف يستقطب الناس في صفه بكلام عاطفي تاره و علمي و واقعي تاره لا باس من ان يسمح ببعض الفساد ( مفيش و لا خماره اتقفلت في عهد الدكتور مرسي في حين انه لو منع ترخيصهم ما عارضه احد و لو عارضه احد تبقى فضيحه للمعارض و عار عليه )لكن المحصله ترغيب الناس في الصلاح بالتدريج الناس جبلوا على رفض التشدد ماذا لو تحدث الدكتور مرسي للشعب عامة و ليس للمتشددين خاصة فطلب منهم العون لأن إدارات الدوله منها ما هو غير متعاون منها مش كلها عشان يكون حكيم في اختيار كلماته و ما يفتحش عليه كل ابواب العداوه الرئيس لا يمكن ينجح لوحده في ادارة بلد بحجم مصر و تنوع مصر المفروض جماعته كلها تدعمه بالافكار النيرة مش بالافكار التصادميه كل ده وقته فات المهم دلوقتي انتوا شايفين مين المستفيد من الوضع الراهن ؟؟ المظاهرات كل يوم و قتل و اعتقالات بتزيد يوم عن يوم مين مستفيد من الخلاف المشتعل في معظم بيوت المصريين ؟ امريكا لما تدعم مؤيدي الدكتور مرسي تفتكروا ليه ؟ من امتى امريكا بتدافع عن الاسلام ... ده على فرض ان الدكتور مرسي جه بدعم من الاسلاميين المحبين لدينهم و يسعى لسيادة الاسلام على مصر ؟ اذا كان الدكتور مرسي كده ليه امريكا تدعمه ؟؟ ايه ضميرها صحي ؟؟ لدرجة انها تغامر بهدم اتفاقية السلام مع مصر لأن المساعدات جزء منها و بعد يومين صاروخين تلاته بتضربوا على اسرائيل من سيناء تقوم اسرائيل تستنجد بالعالم و تدعي ان مصر بتهاجمها عشان قطع المعونه تقوم امريكا جامعه مجلس الامن هوب قوات متعدده الجنسيات لحماية اسرائيل و قناة السويس الممر الدولي و الاقليات المستضعفه في مصر سيناريو الممر الدولي فهمه الجيش و قاوم التواجد المتشدد بجوار مجرى قناة السويس وبالفعل احدهم ضرب سفينة عابره للقناه لكن ربنا سلم و ما اصابش الهدف يعني الموضوع مش جديد مين شايف انه الكلام ده بعيد ؟؟؟؟؟ الي يقول لأ بعيد اقولك الجيش مشغول بالتفجيرات كل يوم و التاني في سيناء و احتجاجات الاخوان و مؤيديهم بيدي غطاء للانتحاريين عشان يفجروا نفسهم في الجنود و الظباط و يسموها جهاد في سبيل الله يعني الوضع مش تمام مطلوب هدنه لأن الوضع كده مش ممكن هيوصل لنتائج محترمة ما تقوليش حقوق انسان و حياة كريمة دلوقتي الموضوع كبير .. بص للي حصل ف العراق و ليبيا و سوريا و بعدين بص لوضعهم السابق و بعدين نتكلم |
رد: الاخوة مؤيدي و معارضي الدكتورمرسي
احيك علي هذا الكلام الجميل مرة اخري
بس عاوز اقول لك مين ماسك زمام الامور الان مين بيدة يحل لية الاعلام كل موجة لفئة معينة والرئيس المؤقت عمال ينزل اعلانات دستورية ولا اي اندهاش في الاعلام والجيش والشرطة بتقتل في الناس ومحدش بيتحاكم ومافيش حد يقدر يرفع قضية والمحامي الي يحاول يترافع عن حد معتقل بيعتقل اية الحرية الي احنا فيها دي انت بتهاجم مظاهرات الاخوان طيب ماهو كان نفس الكلام ايام مرسي مظاهرات ومطالبة بمجلس رئاسي ومحدش كلمهم https://www.facebook.com/photo.php?v=1406757816220606 |
| الساعة الآن 11:53 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017