|
رد: التكييف زهقني ...... مفيش حل ؟
شكرا للزملاء
بلف الضغط العالي و بلف الشحن فعلا كاشف عليهم مفيش فيهم تسريب التلاجه و الشفط سيل ممكن ..... المشكله ان الصنايعي لما بيكبس هواء و يفضل ساعه و الضغط مش بينزل و كمان بيكشف بالصابون مفيش حاجه انا فعلا شايف مشاركات كتير عن احمد حنفي بتاع المعادي و كل الناس بتشكر فيه لكن المشكله اني من المحله مش من القاهره لكن ممكن ارتب يوم واروح له ان شاء الله |
رد: التكييف زهقني ...... مفيش حل ؟
سيادتك بتعانى زيى بالظبط من نفس المشكله
انا على فكره من طنطا وضرفت على التكييف اكتر من 1500 ومفيش فايده واخرة الموضوع جبت كباس ساندان يابانى طلع بتاع مواتير 1300 الموتور بتاعى 2000 هلك الكباس ومعدتش له اى 30 لزمه ومش لاقى صنايعى فنان او بمعنى اصح عنده طولة بال يظبط الحال فى الغربيه كلها حتى فى واحد فى اخناواى اسمه اسامه اليابانى هو اللى بهدل الدنيا عندى وكله يقولك دا استاذ |
رد: التكييف زهقني ...... مفيش حل ؟
اقتباس:
المشكله ان الموضوع ده عايز حد عنده صبر و امانه ويكون فاهم لان المشكله مش باينه من الاول .... كل الصنايعيه عايزه تشحن فريون وخلاص كان حد قالي علي صنايعي عند ميدان اسكندريه في طنطا بس مش فاكر اسمه المشكله لما الواحد بيروح لحد خارج مدينته بيكسل يروح له تاني لما المشكله تتكرر |
رد: التكييف زهقني ...... مفيش حل ؟
اسمه عبد النبى اللى فى ميدان اسكندريه اتعاملت معاه ومشكلتى معاه انه يبعتك تجيب الفريون من بره علبة عامله زى علبى البيرسول كدا ويحشنها لك جبتها ب 5 ب 10 ب 100 هو بياخد 30 جنيه مصنعيه وساعة اما تلاقى العربيه مش بتبرد يقولك الفريون بتاعك مغشوش ودا اسهل رد يرده عليك تبقى نفسك تخنقه
ومن الاخر كدا كل الصنايعيه اللى فى الغربية بتوع التكييف حراميه ونصابين الا من رحم ربى منهم ودول واحد او اتنين والعربيات بتصف قدام الورشه من قبل ما يفتحوا وعشان كباس استيراد فالكباس اللى عندى بتاع عربية فيات 32 نوعه يورك مشكلته الوحيده انه بيضرب shaft seal وكل اللى لقيته استيراد نفس المشكله والمشكله ان طقم الاصلاح بتاعه ب 250 جنيه اشتريته وبرضه منفعش فاسامه اليابانى هو اللى كان عمل طقم الاصلاح ومنفعش قام مركب لى كمبورسر بتاع عربيه 1300 مكملش مع الموتور فلما سألت فى ساندان قالى المكن ال 2000 بيركبه موديل 907 SD انما اللى راكب فيها وباظ 507 SD |
رد: التكييف زهقني ...... مفيش حل ؟
نصيحة لوجه الله
انا كان عندى نفس مشكلتك تقريبا وروحت لفنى اسمه. محمد جابر. فى شارع احمد حلمى وهو اللى جاب الحل بامانة الله يباركله |
| الساعة الآن 01:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017