رد: مساعده فى وصله الصوت ضرورى
 

السلام عليكم يا باشا
الجهاز ده اسمه إف إم موديوليتور (معلهش كاتبها بالعربى)
و لازم تجيب فلاشة معاه كمان و على حسب مساحتها تقدر تشيل عليها ملفات اغانى او قرآن
بتحط الاغانى اللى انت عايزها على الفلاشة وبعدين بتحط الفلاشة فى الجهاز ده و تحط الجهاز فى ولاعة العربية فا بيشتغل اوتوماتك
فاتشتغل الاغانى و الجهاز ده مابيطلعش صوت مباشر انما بيبعت الاغانى اللى شغالة دى على موجة راديو تقدر تستقبلها على راديو العربية بتاعتك (كانك مشغل راديو عادى ) و تظبط تردد الراديوبتاع العربية على نفس التردد الموجود على الجهاز فا تسمع حضرتك الاغانى او القرآن (تقدر تغير فى تردد الجهاز زى ما انت عايز و تتبعه طبعا بتغيير التردد على راديو العربية لو الصوت يعنى مش واضح قوى)
أما بالنسبة للسعر مش غالى خالص انا كنت جايبه من سنتين بحولى 70 جنيه ,, فا هو اكيد ارخص بكتير دلوقتى

رد: مساعده فى وصله الصوت ضرورى
 

شكرا جزيلا يا باشا ربنا يخليك
انا جبته ب 35 بس وده كان احسن نوع موجود فيه ب 15 و 20 و 25
وجبت فلاشه 4 جيجا كنجستون ب 60 جنيه
الحمد لله لسه بس موضوع التوليف ربنا يسهل و اعرف اعملها
وشكرا ليك يا باشا

رد: مساعده فى وصله الصوت ضرورى
 

المهم تحط الأغانى أو التسجيلات اللى عايز تسمعها بصيغة MP3 غير كده الجهاز مش هيعرف يقراها

رد: مساعده فى وصله الصوت ضرورى
 

انا يا باشا حطيت عليها مصحفين و شريط اغانى فى 3 فولدرات
ولما جربتها اشتغلت ماشاء الله بس فيه حاجه غريبه انه الاوديوهات كلها بارقام يعنى كل حاجه عشان اشغلها لازم ابقى حافظ رقمها كام وكمان انا حاطط 228 و 9 مثلا مش مقرى غير 212 باين
ومفيش اسماء للتراكات بتبان هل النظام ده كده ولا اانا اظبط حاجه معينه ؟

رد: مساعده فى وصله الصوت ضرورى
 

متهيألى كدة طبيعى يا باشا .. بيظهر لك ارقام بس و ماتحطش فى الفلاشة فولدرات جوة فولدرات يعنى كل الفولدرات تكون على الروت علشان يقدر الجهاز يقراها صح و كمان ماتحطش اغانى اسماءها طويل قوى علشان برده الجهاز يقدر يقراها
و هو فعلا كدة تمنه حلو قوى ... 70 جنيه ده ايام ما كان لسة تكنولوجيا جديدة
و الف مبروك عليك يا باشا