|
رد: اسبرانزا M11 .. تنطلق فى السوق المصرى
اقتباس:
فعلا ابو الفتوح + شيري( سبيرانزا ) = بدايه التواجد الحقيقي للعربيات الصيني في مصر ... هي شكلها ظريف .. و من ادام بتفكرني بشخصيه الباسات (اوعو حد يقول لاحمد كامل لا يزعل ) لكن التابلوه غريب شوه .. ومكان العدادات صغير أوي ... شكرا اسلام .. شكرا حازم .. شكرا حازم ... شكر ابو يمني ( شكلك كده اسمك حازم برضو ومدكن :HAPPY_~211:) |
رد: اسبرانزا M11 .. تنطلق فى السوق المصرى
فعلا عندك حق ياهندسه
أنا والله كنت حكتب رد بدون النظر للردود عشان أعلق على إن الوش منقول من الباسات والكبوت كمان بس الفانوس مختلف شويه والمرايات كمان بس يمكن تكون متشعلقه لفوق شويه يعني زاويتها غلط وضاربه لفوق حبتين لكن الروح واحده إن ماكنتش بالمسطره عمالين يعملوا حاجات اشبه بالمسخ من قدام باسات ومن ورا نيون ومن الجنب إفتكاسه شبه من حاجه كده كانت منزلاها شيفورليه في 2002 تقريبا على ما أذكر كان إسمها كافاليير (مش نفس الشكل بالظبط طبعا بس نفس الروح من الجنب) ده غير التابلوه إللي تحس إن ممكن بروتون تعمل زيه حاجه كده سمك لبن تمر هندي وسلملي على الصيني وأيامه ... الكل بيشكي من الإسبرانزا الـ 1600 سي سي وبيصوتوا من سوء العفشه وخشونة الموتور والفتيس |
رد: اسبرانزا M11 .. تنطلق فى السوق المصرى
الصور توضح إن شيرى مسميه السيارة A3
وأبو الفتوح بيسوقها تحت إسم M11 يا ترى الإختلافات حتكون إيه وحيشيلوا إيه من الأصليه كعادة المصريين |
رد: اسبرانزا M11 .. تنطلق فى السوق المصرى
لا يا سيجما شيري مسميه العربيه اسم
و ابو الفتوح مسمي الماركه كلها اسم تاني و بيغير الاسم بمزاجه بتصريح من الشركه الام طبعا يعني الشركه شيري و الشعار نفس الشعار لكن ابو الفتوح مسميها اسبرانزا و معناها الامل بالايطالي و اسماء الموديلات هو بيختارها بنفسه لكن واضح انه في اسمائها متأثر باسما بي ام دبليو قليلا;) |
رد: اسبرانزا M11 .. تنطلق فى السوق المصرى
المستقبل للصينى و ده اللى أثبتته إسبيرانزا مش بس فى الموديل اللى لم يجرب M11 لأ فى موديلات TIGO و A516 و A113 اللى أثبتت نجاحها بإنتشارها الواضح فى السوق المصرى و شغف الميكانيكية و الصنايعية بمعرفة طريقة صيانتها و إسألوا حد معاه العربية ولا تروجوا إشاعات على السمع بدون تجربة حقيقية |
| الساعة الآن 08:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017