رد: تسقيط مواتير فيات
 

رد: تسقيط مواتير فيات
 

الله يباركلك يا ادهم باشا .. ياااااااااااااااااااااااا اااه
مفيش اكتر من مواتير الفيات وخصوصا الفئات القديمة والمنتشرة دايما ومع ذلك ماحدش شارك حتى ولو "بالصلاة على النبى- صلى الله عليه وسلم" ...
نورتنى بمشاركتك يا باشا وانا برضه متابع فى قسم الفيات والـ 127
وبهذه المناسبة " ان حضرتك نورتنى بالمشاركة واحييت الموضوع" عاوز اسأل عن تابلوه الـ 127
ان شاء الله انا قررت اجيب شورت بلوك 127 لان ده اللى محتاج له دلوقتى وبالتالى افضل انى اغير التابلوه او على الاقل العدادات بتاعة عشان تقرأ صح مع الموتور الجديد انا عارف ان الفرق مش كبير بين موتور السيات 850 سى سى والفيات 900 سى سى لكن كمان عشان استفيد من عداد الحرارة وبالمرة عداد البنزين يتظبط والاشارات والذى منه .. ماعندكش فكرة العدادات بكام لوحدها او التابلوه كله بكام؟؟ وشوفت مره 127 العداد بتاعها فيه RPM ومنت فاكر ان 127 مافيهاش الكلام ده ؟؟ هلى وجود العداد RPM من عدمه بيرجع لايه؟؟؟ موديل سنه ولا بلد المنشأ؟؟؟
انا نفسى اجيب العداد ده بدل ما اجيب عداد خارجى للـ RPM لوحده
ومتشكر ليك كتييييييير

رد: تسقيط مواتير فيات
 

اقتباس:

الجميل اللى عرفته من الشيخ طارق ان اى من المواتير السابق ذكرها ليس له اى تأثير على العربية سواء صاج او شاسية بالنسبة للموتورين 124 و 131 هيحتاجو يتعملهم قواعد لان المواتير بتنزل من غير ولان قواعدهم مش متوفرة فعشان كده فى الغالب بيبقوا عموله وبيركبوا فى نفس مكان قواعد السيات وهيحتاجوا سوست ومساعدين كمان والعربية تكون واطية من قدام

اللهم صل على سيدنا محمد

أحسن حاجة موضوع موتور ال124 او ال131
طبعا هتفصل قنطرة تقعد عليها المكنة وهتمد خراطيم لوش العربية بردياتير امامى
ده لو عاوز تحافظ على الموتور عشان ما يفرفرش من الحرارة ده غير مروحة برضو تبرده
محتاجة صنايعى محترف والموضوع هيبقى مكلف جدا

رد: تسقيط مواتير فيات
 

انا شايف ان السيات معلش يعنى متستهلش انك تتعب نفسك وضيع وقتك وفلوسك فى تعديلات فيها

لان مهما تصرف عليها لو فكرة تبعها مش هتجيب اللى صرفته عليها حتى لو قلت للشارى انك مركبلها متور بورش

فا اللى هتصرفه عليها بيعها احسن وكمل على تمنها وهات حاجه اعلى شويه

رد: تسقيط مواتير فيات
 

شكرا هشام باشا على الرد والمشاركة
نظرا للتكلفة اللى تشمل " الموتور + الرادياتير + العفشة .. وكل ما يلزم التعديل"
قررت أأجل الموضوع شوية وامشى حالى دلوقتى بشروت بلوك 127 لان العربية مركونة من ساعة ما جبتها بسبب طقم الشنبر .. وعايز استفيد منها بدل الركنة فى الوقت الحالى
وحضرتك ذكرت نقطة القنطرة اللى بتقعد عليها المكنة " هى دى بدل القواعد ولا هى القواعد نفسها؟؟؟ طيب وطالما غيرت القواعد هينفع المرور يوافق على كده ولا هايعتبره تعديل فى اساسيات العربية ويرفض؟؟؟ لان على حسب علمى فى النقطة ان المرور مش بيرفض اى موتور على اى عربية طالما على نفس القواعد " على اعتبار السلامة والامان يعنى"
بالنسبة للصنايعى المحترف موجود بفضل الله وربنا يباركله وهو اللى شجعنى على الفكرة كمان ولا يخفى على حد فى المنتدى ... عم حمدى محمد على "حمدى مخترع المانيوال بدون دبرياج" الله يبارك له .. راجل فى منتهى الذوق والاحترام والاحترافية المهنية