مصر موتورز مجتمع السيارات - الفرق بين ال4WD فورويل درايف AWD اول ويل درايف

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - الفرق بين ال4WD فورويل درايف AWD اول ويل درايف (https://www.masrmotors.com/vb/showthread.php?t=114942)

رد: الفرق بين ال4WD فورويل درايف AWD اول ويل درايف

اقتباس:

المشاركة الأصلية كتبت بواسطة sherifabden (المشاركة 894171)

ال2WD دا نظام الدفع الثنائي (امامي او خلفي )
اما ال4WD دا نظام الدفع الرباعي

انا عارف ان 4wd هو دفع رباعى 2wd دفع ثنائى بس انا عايز اعرف ايه الفرق بينهم

رد: الفرق بين ال4WD فورويل درايف AWD اول ويل درايف

ما هوا دا الفرق بينهم

رد: الفرق بين ال4WD فورويل درايف AWD اول ويل درايف

الاستاذ محمد فيصل شرح ببساطة و بعمق ... ربنا يباركلك

الاستاذ محمد اشرف ....
الدفع الثنائى يعنى العربية بتتحرك عن طريق العجلتين الخلفيتين .. او العجلتين الاماميتين فقط ... و ده الطبيعى و العام فى اغلب السيارات .... فمثلا .... اللانسر .. الكورولا .. اللانوس ... العجلتين الاماميتين هما الى بيحركوا العربية
الشاهين .. اللادا .. و الفيات القديم ... العجلتين الخلفيتين هما الى بيدفعوا العربية .. و العجل الامامى .. للتوجيه فقط

اما فى الدفع الرباعى ... الحركة بتنتقل من الفتيس للعجل الخلفى و كمان بتنتقل للعجل الامامى فى نفس الوقت و بنفس السرعة

تخيل انك رفعت اربع عجلات و اتفرجت عليهم ..... تجد ان الدفع الرباعى ... الاربع عجلات بيتحركوا مع بعض
اما فى العربيات ذات الدفع الثنائى ... تجد ان فيه عجلتين بس بيتحركوا .. الاماميتين او الخلفيتين ... و العجلتين الباقيتين ثابتتان .... ( انا محتاج اراجع دروس اللغة العربية فى المثنى )

عربيات الدفع الرباعى .. فى الغالب على الطريق ... بيتكون شغالة دفع ثنائى ... و يتم تعشيق الدفع الرباعى عند الحاجة .... عند احتياج عزم اكبر او توزيع العزم على الاربع عجلات
و تعشيق الدفع الرباعى دة قصة تانية ..... فيه عربيات بتتعشق يدوى ...
يعنى حضرتك تعشق ما يسمى فتيس الغرز و بعدين تدى العربية غيار و تبدا تتحرك ... و فيه نوع من النوع المانيوال .. العجل الامامى ليه لوكات ... لازم سيادتك تنزل تعشقها بنفسك ...
زى الجى ام القديم ( عزيزة ) .... اللاند كروزر التعلبة .... الفورد 150 ... و عربيات تانية كتير

فيه عربيات الدفع الرباعى فيها اوتوماتيك .... بيكون فيها حساسات على كل عجلة .. و لو شعرت ان فيه عجلة بدات تتاخر عن عجلة ( فيه عجلة بتغرز او فيه عجلة بتتزحلق ) .. فبتعشق الدفع الرباعى اوتوماتيك .. زى اغلب العربيات الجديدة فى فئة الدفع الرباعى .... اللاند روفر .. الفورد اكبيديشن و عربيات تانية كتير
لو حضرتك تحب معلومات اكتر عن الدفع الرباعى انا تحت امرك

رد: الفرق بين ال4WD فورويل درايف AWD اول ويل درايف

اقتباس:

المشاركة الأصلية كتبت بواسطة ahmed_eng2001 (المشاركة 894244)

شكرا يا استاذ احمد حضرتك كده فهمتنى وانا فهمت بس استفسار صغير يعنى كده اى عربيه مش 4wd تكون 2wd ولا فى حاجه اقل من ال2wd ولك منى جزيل الشكر :Wkiss5:

رد: الفرق بين ال4WD فورويل درايف AWD اول ويل درايف

اقتباس:

المشاركة الأصلية كتبت بواسطة محمد اشرف (المشاركة 894282)

لا شكر على واجب ... احنا كلنا بنتعلم من بعضنا ....

لو العربية مش دفع رباعى ... حتكون دفع ثنائى .... مفيس اقل من دفع ثنائى ... علشان الاقل من الدفع الثنائى .... حيكون دفع احادى .... يعنى العربية حتحركها عجلة واحدة فقط .. انا لم اسمع ان هناك عربية بتحركها عجلة واحدة بس