رد: ايه الفرق بين الفئة 3 و 5 و 7 ؟
 

حدردش مع حضرتك على حسب معلوماتى البسيطة ...

الفئة الثالثة .... و دى بيسموها الفئة الاقتصادية ... محركاتها تبدا من 1600 سى سى و بتتدرج لغاية الموتور 2500 سى سى و الله اعلم 316 318 320 325

الفئة الخامسة ... و بيسموها الفئة المتوسطة .... و اعتقد انه محركاتها بتبدأ من 2000 سى سى ... و بتفرق عن الفئة الخامسة فى حجم العربية .. اكبر ... و الاوبشنز .. و الرفاهية و عوامل الامان
و بالنسبة للأسعار ... فى الغالب ... تمن الفئة الخامسة بيبقى اغلى كتير من الفئة الثالثة

الفئة السابعة .... ربنا يوعدنا .....الفرق بين الفئة السابعة و الخامسة زى الفرق بين الفئة الخامسة و الثالثة مرتين تلاتة مثلا
فى انتظار راى اكثر خبرة و دراية
ابو نورا ممكن يفيدنا اكتر فى الموضوع ده

رد: ايه الفرق بين الفئة 3 و 5 و 7 ؟
 

كلامك جمسل بس ليا كام ملاحظة
الفئة الثالثة اكبر ماتور ليها هوا ال3000 6 سلندر
الفرق في اسعار الفئة الخامسة والثالثة مش كبير اوي
يعني عندك ال335 ودا اكبر عربيات الفئة الثالثة سعرها متقارب من 520 اللي هيا اصغر عربيات الفئة الخامسة
لكن زي ما حضرتك قلت الفرق كبير في السعر بين الفئة الخامسة والسابعة

رد: ايه الفرق بين الفئة 3 و 5 و 7 ؟
 

اشكرك على تصحيح المعلومة و على الافادة ..... انا كان اخرى الموتور الاسود 2500 سى سى و ده كان سعره حوالى 9000 :cry2W9: من سنتين و ده من غير لف و تدوير و لا فصال

رد: ايه الفرق بين الفئة 3 و 5 و 7 ؟
 

السلام عليكم
حضرتك الفرق كبير بين كل فئه و ده بيظهر من الشكل حتى و الفرق بين الفئه الثالثه و الخامسه ان الخامسه اطول طبعا و ده بيدي وسع في العربيه من جوه و الموتور بيكون اقوى و الاوبشن المتاحه في كمان بتختلف و نفس الفرق حضرتك من الفئه الخامسه و السابعه و ابسط مثال مثلا في الهيونداي مثا الفرق بين الاكسنت و الالنترا و السوناتا بس طبعا الفروق في البي ام غير