مصر موتورز مجتمع السيارات - البنزين ما بيوصلش للكربرتير

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - البنزين ما بيوصلش للكربرتير (https://www.masrmotors.com/vb/showthread.php?t=113739)

رد: البنزين ما بيوصلش للكربرتير

اقتباس:

المشاركة الأصلية كتبت بواسطة mr_astra (المشاركة 886167)

تمام زى ما استذنا عمرو السيى قال
لكن تكملة للموضوع اعمل نضافة لخرطوم السحب عن طريق هواء مضغوط من ماسورة طلمبة البنزين احتمال يكون فية سدد
ونصيحة بلاش تجيب طلمبة البنزين بتعتها وهتلها واحدة كهرباء وركبها فى صدر العربية او اى مكان بعيد عن الحرارة وبكدة الطلمبة هاتشد بنزين اول ما تفتح كونتاكت فقط مش زى الرداخ لازم الموتور يدور عشان يسحب بنزين
وفى منها باسعار متفاوتة

طبعا مش جديد علي حضرتك
كل يوم بنتعلم منك ربنا يكرمك يارب :fun_36_3_13[1]:
بس في نوع معين للطرمبة البنزين الكهرباء وهي في حدود كام
والميكانيكي هيركبها ولا الكهربائي

رد: البنزين ما بيوصلش للكربرتير

فى طلمبة حلوة اوى اوى بصراحة اسمها ميتسوبيشى وتمنها 175 جنية
دى ضغطها حلو اوى وفيها كتاوت داخلى يعنى ركب على طول وهاتشبع العربية بنزين اكتر من طلمبتها الاساسية
بس لما تيجى او وافقت على تركيبها ابقى اولى وانا هاخليك تعمل حركة فيها جميلة اوى اضمنهالك تشتغل لمدة خمس سنين ان شاء الله

رد: البنزين ما بيوصلش للكربرتير

اقتباس:

المشاركة الأصلية كتبت بواسطة mr_astra (المشاركة 886245)

للاسف ملقتش الطرمبة الكهربة وكنت مستعجل ورايح مشوارفاشتريت واحد ميكانيكية (يوغسلافي ب 70ج )
وان شاء الله اجيب الكهربة ادام شوية
وانا شاكر جدا لتعاونك

رد: البنزين ما بيوصلش للكربرتير

اقتباس:

المشاركة الأصلية كتبت بواسطة mr_astra (المشاركة 886245)

ازيك يا mr_astra
بما ان اخونا العزيز كان مستعجل . ممكن سيادتك تشرح طريقه تركيب طرمبه البنزين الكهربا وهل الطرمبه القديمه هاتفضل راكبه ولا لا ؟؟؟ وهل الطرمبه الكهربا دى هاتفرق فى دواره العربيه الصبح خصوصا بعد الركن 3او4 ايام ؟؟؟

رد: البنزين ما بيوصلش للكربرتير

بالنسبة للطلمبة القديمة هى لازم تفضل راكبة مكانها عشان الزيت ميخرجش من مكنها
طريقة تركيب الطلمبة الكهرباء
لازم تختار مكان لية جيد التهوية زى صدر العربية وفى ناس بتركبها فى بطن العربية من تحت لو ليها مكان
انما المهم بقى واللى كنت عاوز اقول علية
حضرتك طبعا عارف ان فى خرطوم راجع للبنزين بيخرج من الكربراتير ورايح للتانك
الخرطوم دة هانطببه نعملة طبة يعنى بمسمار 13 يدخل جوة الخرطوم ويتربط علية بكولية
ومش عاوزك تقلق من ضغط الطلمبة وخصوصا لو كانت العربية واقفة فى اشارة او الموتور على السلانسية لان لما ضغط الطلمبة بيزيد نتيجة ان ابرة العوامة اللى فى الكربراتير قفلت خط السحب
الطلمبة نفسها هاتفصل لانها فيها بالظبط زى اوتوماتك موتور المياة لما الضغط بيعلى بيفصل نقطتين التلامس الكهرباء اللى بتغذى الطلمبة بالكهرباء
ولما العربية تكون واخدة سرعتها وعاوزة بنزين كتير هتلاقى الطلمبة شغالة على طول بترمى بنزين للكربراتير طول ما هو عاوز
يعنى المقصود ان اداء الطلمبة مش ثابت ولكنه متغير على حسب الاحتياج لكمية البنزين
وبكدة الطلمبة هاتشتغل على الـ اد بالظبط وبكدة عمرها الافتراضى هايكون اطول بكتير
لان لو خرطوم راجع البنزين متوصل بين الكربراتير والتانك هتلاقى تملى ضغط البنزين الواقع على الكربراتير واطى او قليل والطلمبة ساعتها بتشتغل باى باص ومش بستفاد منها فى حاجة

وموضوع تاخر الدوارة الصبح لو بوجيهاتك سليمة والاسبراتير مظبوط
هاتفتح الكونتاكت 10 ثوانى وبامر الله تدور من نص لفة مارش