|
رد: العربية بتبطل بعد ما ادورها على طول
معلش اعزرنى لسة شايف الموضوع النهردة
اخى الكريم فى كابل البطارية الارضى اللى باللون الاسود دة خارج منة اتنين واحد رايح للموتور او جسم الموتور والتانى مربوط فى شاسية العربية بطلب منك انك تراجع على الكابل دة كويس اوى من جهه البطارية ومن جهه ارضى الموتور وشاسية العربية واكيد هانضف فلتر الهوا ونغير فلتر البنزين تانى حاجة حضرتك باين ان فية هواء فى دورة التبريد وغلط انك تفتح غطا القربة والعربية سخنة الصبح بدرى قبل اول دوارة للعربية تفتح القربة وتزود مية لغاية العلامة وبعدين تسخن العربية كويس اوى لغاية لما المراوح تشتغل وتفتح غطا القربة سنة سنة لغاية اما تلاقى المياة هاتبدا تخرج من القربة ساعتها اقفل الغطا كويس اوى وبكدة انت اخت الهواء من الدورة وكرر الموضوع دة 3 مرات |
رد: العربية بتبطل بعد ما ادورها على طول
انا مش عارف اشكرك ازاى يا مستر استرا (معلش معرفش اسمك ) انا الصراحة مش عايز اودى العربية لمكانيكى و نفسى اشتغل بيها بنفسى علشان كده انا بسال و بردو قعدت اتفرج على فيديوهات على النت من المواقع الاجنبية بصراحة الموضوع اسهل مما نتخيل بوجدود العدة المناسبة للعمل على العربية (طبعا دا خارج عن ميكانيكا السيارة ) انا اقصد الحاجات الخفيفة
انشاء هعمل كل حاجة قلتلى عليها و ارد عليك و اشوف موضوع الارضى دا بتاع البطارية (معلش هو ايه علاقة ارضى السيارة بتقل العربية فى التدوير انا كل ما اقول لحد يقولى يا طلمبة بنزين او فلتر او حساس السلانسيه او الرشاشات ) معلش هو فلتر الهوا عندى فين؟ و كمان انا اتاكدت ان الخرطوم عندى الى بيوصل بين العمة و الخرطوم بتاع المتور مش موجود و ممكن ارفعلك الفيديو لو عايز |
رد: العربية بتبطل بعد ما ادورها على طول
اقتباس:
بما فيهم مارش العربية لان المرش بياخد الفردة الموجب من البطارية مباشر بس بيعدى على جزء تانى متوصل بكونتاكت العربية اللى هو الاوتوماتك طب والطرف السالب هايخدة منين اكيد من جسمة نفسة لانة معدن طب وجسمة متوصل باية ؟ متوصل بجسم المحرك عشان كدة بيعملو كابل من سالب البطارية الى جسم المحرك لا وكمان اية البوجيهات مش بتحتاج الى ارضى او سالب عشان تفرغ الشحنة ؟ صح طيب بتجيبة منين اذا كان واصلها سلكة بوجية واحدة اكيد بتجيبة من جسم البوجية نفسة اللى متوصل بسالب البطارية مرورا بجسم المحرك المعدن شوفت بقى ان الارضى او سالب البطارية ممكن يعمل اية يخلى دوارة العربية تقيلة يخلى البوجيهات ما تشتغلش بالكفاءة المطلوبة وتخيل بيعمل اية كمان مش هاتصدق !!!!! بيخلى العربية تسخن لان المراوح بتعتمد على نفس الفكرة وهى انها بتاخد سالب من البطارية من جسم العربية نفسة اللى متوصل بكابل من سالب البطارية عشان تعمل دايرة مغلقة فلما بيكون الارضى مش جيد التوصيل للكهرباء تلاقى المروحة شغالة صحيح انما مش بنفس سرعتها الطبيعية لالالا الارضى مهم مش لازم نهملة وبعدين دة تخمينى للمشكلة لكن مش بالشرط يطلع صح ولو انه اتعمل هو مش مضر اطلاقا طيب بالنسبة لموضوع الخرطوم بتاع العمة افهم من كدة ان عند حضرتك حقن احادى يعنى نظام مختلط بين الكربراتير والانجكشن؟ لو فعلا كدة يبقى لازم تركب الخرطوم عشان هو مهم اوى فى تلطيف الكربراتير وبيمنع انة يتسد او يجير من الهواء |
رد: العربية بتبطل بعد ما ادورها على طول
بس عاوز اسالك هو عداد الـ RPM على السلانسية والعربيةسخنة على كام ؟
|
رد: العربية بتبطل بعد ما ادورها على طول
بص انا اتفرجت على الفيدو واخت صورة من الفيديو وعلمتلك على مكان فلتر الهواء
الصورة هنا http://im41.gulfup.com/aqYqs.jpg |
| الساعة الآن 07:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017