رد: افيدوني يا وحوش المنتدي ايه اللي حصل للنيو أكسنت ده بعد ما غيرت السرفيس بتاعها وزيت الماتور
 

انا العربية لسه لحد دلوقتي فيها المشكله وهيه انها سحبها ضعيف جدا من وضع الوقوف كانها جايبه الغيار التالت وانا طالع بيها صوت الماتور بيعلي وبتطلع بسحب ضعيف جدا بس بعد كده بتمشي عادي جدا وموضوع الرجه الي بتحصل للعربيه لما بغير الفتيس من P الي D او R انا روحت للميكانيكي مرتين كل مره يقعد ينضف الانجكشن وتبقي كويسة وبعدها بشويه ترجع زي ما هيه وموضوع الرجه ده مش بيحصل علي طول والنهارده قالي دي شكلها كده عيب في الفتيس انا حاسس انه مش فاهم في النيو اكسنت اصلا وعمال يخبط ويألف يا جماعه ارجوكم افيدوني باي نصيحه ولو حد يقولي علي ميكانيكي كويس بيفهم في النيو اكسنت اروحله يشوف ايه المشكله ممكن تكون بوجيهات او سير الكاتينه اتركب غلط ارجوكم انا متعكنن جدا وخبرتي صفر في العربيات ومحتاج بجد اي مساعده

رد: افيدوني يا وحوش المنتدي ايه اللي حصل للنيو أكسنت ده بعد ما غيرت السرفيس بتاعها وزيت الماتور
 

فيه رمضان الميكانيكي في اول شمال في شمال من شارع المستشفى شارع فيصل بين الهرم وفيصل اجازته الجمعة وامين جدا جدا جدا وان شاء الله هيقولك ايه اللي فيها وعلى فكرة حاولت افتح شغل في عربيتي ورفض لأن ده مش مبدأه ..وبشوف عربيات موديلات كثيرة عنده بس رحله بعد 12 ظهرا
وربنا يوفقك وتتحل ان شاء الله

رد: افيدوني يا وحوش المنتدي ايه اللي حصل للنيو أكسنت ده بعد ما غيرت السرفيس بتاعها وزيت الماتور
 

جرب الصنيعي دة الاول
ولو ماكنش او كلامة ماعجبكش روح التوكيل علشان ماتفتحش منك
غالبا التقسيمة مش مظبوطة
هل لمبة الموتور منورة

رد: افيدوني يا وحوش المنتدي ايه اللي حصل للنيو أكسنت ده بعد ما غيرت السرفيس بتاعها وزيت الماتور
 

مغظم الظن فى سير التقسيمة مش راكب كويس

رد: افيدوني يا وحوش المنتدي ايه اللي حصل للنيو أكسنت ده بعد ما غيرت السرفيس بتاعها وزيت الماتور
 

أ. عمرو
اشكرك على الثقة الغالية والتوجيه السديد من طرفكم .:THUMBS~220:. انا ترددت كثير قبل وصف الميكانيكي كي لا يظن بي شيئا .. لكن الأمانة تقتضي .. ان ادله على ما اظنه خير .. ولو فعلا ما اقتنعش يروح التوكيل .. بس اهم حاجة يروح ليه شخصيا مش حد من اللي شغالين عنده

وان شاء الله يطلع الموضوع بسيط