مصر موتورز مجتمع السيارات - مشكلة نوبيرا 2 2001

اقتباس:

المشاركة الأصلية كتبت بواسطة mr_astra (المشاركة 877360)

اقصد بالهد هو وش السلندر اللى بيحتوى على عامود الكامات وعند حضرتك هما عدد اتنين عامود كامة
كل عامود بيحرك او متثبت علية عدد 8 كامات اللى بدورها بتضغط على كستبانات عشان تعمل حركة ترددية للصمامات او الصبابات
لما الكامة بيضغط على الكستبان بيعمل صوت اما ان فى فجوة او ثغرة بنهم او ان الزيت نوعة مش كويس
وللاسف المواتير دى زيها زى معظم العربيات الحديثة لا يمكننا ظبط التاكيهات بها لانها بتعتمد على ضغط الزيت فى ظبطها حاجة كدة اوتوماتيكية
فبكدة الصوت اما انة يكون من الزيت
او ان فعلا الكستبانات محتاجة تغيير
فانا اقترحت عليك نبدا بالاسهل وهو تغيير الزيت بنوع مناسب او جيد ولو هتاخد براى
تعالى نفشى الزيت (الموتور) خالص ونفك الفتر
ونحط 3.25 لتر زيت نوع موبيل دلفاك ام اكس3
mobil Delvac MXIII
ونحط علبة زيت شنبر من نوع
ABRO
او
STP
او
STOP
العبوة دة حجمها 443 ملى
يبقى كدة الزيت عندنا مظبوط بامر الله
ونغير فلتر الزيت بنوع جيد
ونستنى على العربية مسافة 500 كم على سبيل المثال ونشوف الدنيا فيها اية
لو الصوت لسة موجود فى حلول اخرى بامر الله
بس نبدا بالسهلة الاول

الله عليك وانت بتقسم يا غالىىىىى