ايه هو احسن بنك للتقسيط حالياً!!!
 

ممكن الاعضاء اللى عندهم خبرة فى موضوع "التقسيط من البنوك" يقولولى على افضل بنك للتقسيط حالياً من حيث سعر الفائدة والتعامل.. ياريت لو فى بنوك من غير تأمين فى حالة دفع 40 - 50% من ثمن العربية مقدم. ياريت اللى يقول على الفائدة يشرح هى ثابتة ولا مركبة ولو مركبة تبقى كام تقريباً ثابتة.. وياريت بلاش رد الاستاذ "سيف" لانه مش بيضيف جديد غير اتصل على الرقم كذا ومش بيرد.. شكراً

رد: ايه هو احسن بنك للتقسيط حالياً!!!
 

رد: ايه هو احسن بنك للتقسيط حالياً!!!
 

انا مش قصدى اى حاجة من الحته الاخيرة دى غير ان فعلا الرد دا بيكون مالوش لازمه لانى دلوقتى فى مرحلة جمع معلومات عن العروض وانسب حاجة ليا ايه حسب ظروفى وانا بشوف الرد دا من استاذ سيف عالطول .. انا بكون منتظر انه يقول ان الفائدة "كذا%" واقل مقدم كذا وكل الاجراءات بس هو للاسف اسهل رد عنده اتصل على الرقم ... ودا مش بيكون مفيد لكل الاعضاء..


من فضلك انا ازاى احسب الفائدة المركبة !! يعنى لو انا هشترى عربية بـ 100 الف .. 50% مقدم و50% قسط على 5 سنين .. تتحسب ازاى لو الفائدة مركبة؟ شكراً

رد: ايه هو احسن بنك للتقسيط حالياً!!!
 

بص انا هقول لحضرتك شى مهم جدا جدا
حضرتك عضو فى المنتدى منذ شهر 6 عام 2012 صح وواضح انك لم تقراء موضيع كثيرة
بس ال عايز اقولة لحضرتك انك لو كنت قرات شوية كنت هتعرف مقولة كويس جدا انا دائما اكتبها ان لا يوجد 2 عملاء ممكن تكون ظروف ضمناتهم نفس الشى
وانا لما بكتب رقم تليفونى علشان اساعد الناس لان فى ناس بتخجل ان تكتب ظروفها الشخصية على المنتدى زى حضرتك مثلا مش كاتب انت بشتغل فين ولا مرتبك كام ولا ساكن ايجار ولا تمليك ولا بطاقتك مكتوب فيها اية فى خانة الوظيفة كل البينات دة هى ال بتحدد انت ممكن تقسط مع اى بينك وباى ظروف
حتى لو هدفع 50% لازم توضح بتاقتك مكتوب فيها طالب ولا حاصل على ولا وظيفة حضرتك
كمان انت عندك فيز قبل كدة ولا لا ولو عندك مشكلة اسكور بنك مركزى او حد ائتمانى مرتفع كل دة وغيرة لان يعفك انك دافع 50% مقدم وهل عايز تقسيط مباشر ولا بنكى جديد ولا مستعمل
على العموم دة اخر رد منى على موضوعك ولو وجدت اى حد غيرى يرد رغم وجود اكثر من معرض واكثر من مندوب بنك اتمنى انهم يفدوك ويكتبوا او يردوا على حضرتك
رغم انك عامل 2 موضوع ولم تتلقى اى رد
ودة انا اشك فية

رد: بروتون جين تو
 

شكرا لردك اولاً .. ثانياً انا مش منتظر منك رد تانى ثالثاً انا مش هدخل الموقع تانى لانه عديم الفائدة وسيادتك مسيطر عليه رابعاً انا مغلطتش فى حضرتك .. اخيراً انا بشتغل فى شركة استثمارات مالية مالتى ناشيونال ومرتبى الاساسى اكتر من 3,000 جنيه غير العمولات ووظيفتى مكتوبه فى البطاقة وعندى تأمينات وساكن فى القاهرة وشعلى فى مصر الجديدة .. وعندى HR letter ... ومعنديش مشكلة مع اى بنك وانا مش بسأل على تقسيط مباشر او عيره مش هتفرق معايا غير موضوع التأمين ليه ادفع تأمين فى 5 سنين اكتر من 20,000 وانا مش هستفيد بيه !!! المهم بقى شك براحتك وانا فى الموضوع دا مش هرد عليك كتير لان اكبر من كدا ..