رد: مطلوب موتور هيمي 6.1 مع كل وحدات التغذية
 

انا ممكن اجيبة من الخليج بس حالات المواتير هناك بتكون على اخرها بتكون وحشة بجد وانا كمان خايف من التكاليف عاوز اعرف الميزانية هتكون عاملة ازاي علشان انا بعمل مشروع تطوير عربية مصرية 4*4
ودة أحسن موتور وفتيس نزل على فور باي فور وأخد اكبر جوايز عالمية لعدة سنوات

رد: مطلوب موتور هيمي 6.1 مع كل وحدات التغذية
 

ربنا يوفقك ....
و لو معندكش مانع ... ممكن حضرتك تشركنا معاك نتعلم منك .... و اكيد حتلاقى شوية خبرات ممكن تساعدك
و اكيد برضوا حتلاقى شوية مهتمين بالدفع الرباعى ( زى العبد لله ) :waving:

فيه واحد فى مدخل مدينة بورسعيد اسمه خليل .... ده الوحيد الى شفته فى بورسعيد عنده عربيات امريكانى بيبيع انصاص و مواتير ... جيب و دودج ... و مشفتش حد خالص فى عمارات بنك الاسكان بيشتغل فى الامريكانى

الحرفيين فيها ناس كتير بتشتغل فى الشيروكى و الجراند ..... بس .... و فيها واحد او اتنين بيشتغلوا فى الجى ام

فيه عند حضرتك شبين الكوم ... حاجات البليزر و الفان القديمة و كمان دمنهور

يقال ان الوكالة فيها حاجات للجيب .... بس انا معرفش عنها حاجة

لو حضرتك لم تجد الموتور ده ... انا ارشح لحضرتك المواتير القديمة شوية ( اعذرنى ... انا بحب الحاجات القديمة ) موتور الجى ام يوكن الهاف انجكشن .... سمعت من اكتر من واحد انه موتور اعطاله قليلة و عمره طويل و استهلاكه للبنزين احسن من المواتير الكربراتير
موتور التويوتا اللاند كروزر ..... 8 سلندر او 6 سلندر ... مواتير محترمة جدا جدا ... بس عيبها ان سعرها غالى

مواتير الديزل
بصفة عامة ..... افضل مواتير تصلح للدفع الرباعى .... خدمة شاقة .. تحمل عالى .. اعطال اقل
عندك موتور الجى ام ( او الكامنز ) الديزل ... 8 سلندر .. سعر الموتور بالفتيس الاوتوماتيك قرابة 8 الاف جنيه !!!
بس عيبه ندرة قطع غياره .....
عندك كمان مواتير الايسوزو الجامبو ... بس مزعج جدا
انا حبيت بس ادردش معاك ... علشان قلما اجد حد بيتكلم عن موتور اعلى من 1600 .. و كمان امريكانى !!!
انا معرفش حاجة عن الموتور الهيمى ده غير انه راكب فى العربيات الجديدة و انه بيوفر بنزين
ربنا يوفقك

رد: مطلوب موتور هيمي 6.1 مع كل وحدات التغذية
 

اعتقد لو تعرف حد فى الخليج هايككون اوفرلك وانظف بكتير يبعتهولك شحن طبعا

رد: مطلوب موتور هيمي 6.1 مع كل وحدات التغذية
 

ان شاء الله هتلاقية في بور سعيد
واشئل في شنبليون لو مش موجود ممكن يجبوه من بره

رد: مطلوب موتور هيمي 6.1 مع كل وحدات التغذية
 

لو سمحت ممكن سؤال
حضرتك اشتريت العربية دي من مصر ولا جايبها من خارج مصر؟
انا بسأل لان عندي نفس العربية موديل 2007 شاريها من مزاد كانت مخبوطة والاكصدام كان مكسور والايرباج ضرب وعاملة 37 الف ميل بصراحة خلصت علي 4200 و في مكان هنا اسمه يو بول ات وده مكان واسع قوي ممكن اقولك 300 فدان في كل انوع العربيات من جميع الموديلات والسنين واتوفقت في مكان عنده العربية دي ولي صديق يمني ميكانيكي ذهب معايا وخلع الدريكسيون والبامبر بكل سلاطاته ب بابا غنوجه ودفعت 200 دولار وهو ركبهم ببلاش والعربية والله كأنها جديدة والحادثة بتاعتها استفسرت عنها ولقيت كانت تملكها عجوز وخبطط في اشارة مرور رجليها اتزحلقت من علي الفرامل وخبطط اللي قودمها يعني حاجة بسيطة وعندي استعداد اشيلها من امريكا علي اكتافي لحد مصر بس ادخل بيها هي 3700 سي سي عشان كده بسأل حضرتك وبالله لو في حد يعرف يقولي طريقة ادخلها بيها او عربيتي التانية نيسان التيما 2007 2500 سي سي وانا اول مالك ليها بس طبعا عومري ما هدفع 50 او 60 الف دولار جمارك لو في طريقة تانية ماشي
معلش طولت عليك