مصر موتورز مجتمع السيارات - ساعدونى قدامى سيارة هوندا سيفيك موديل 1984

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - ساعدونى قدامى سيارة هوندا سيفيك موديل 1984 (https://www.masrmotors.com/vb/showthread.php?t=110289)

رد: شباااااااااااب ضرورى ساعدونى

اقتباس:

المشاركة الأصلية كتبت بواسطة AbOnOrA (المشاركة 859575)

بص هى اى حاجة راشة دواخل تخوف والمفروض تكشف عليها عند سمكرى كمان مش ميكانيكى بس علشان يفيدك عن حالة الدواخل وخد بالك لما تيجى تبيع برضو هتقابلك نفس المشكلة واللى هيجى يشترى هيبقى خايف منها علشان راشة دواخل فاحسبها كويس واذا توكلت على الله وقررت تجيبها لازم تكشف عليها زى ما قولتلك وتعرف محتاجة مصاريف قد ايه وتبقى عامل حسابك متشتريهاش بكل الفلوس اللى معاك ويبقى معاك فلوس لاى مصاريف تحتاجها والا هتزهق منها ومن حياتك كلها لو فتحت بقها وممعاكش فلوس تصلحها ومش عارف تبيعها

معاك حق يا ابو نورا بجد مشكوووووووووووور دايما متابع وبعمل بنصايحك

رد: شباااااااااااب ضرورى ساعدونى

اقتباس:

المشاركة الأصلية كتبت بواسطة more13 (المشاركة 859586)

من خبرتى فى اللف والدوران على عربية مستعملة اقدر اقولك ان الهوندا سيفك الموديلات القديمة صعبة فى البيع وقطع غيارها كتير وغالية شواية
واهم حاجة عرفتها ان العربية اللى رشة خوارج مش مشكلة قوى زى اللى رشة دواخل دى بقى بتقلق وبتكون صعبة فى اعادة البيع
وعرفت ان فية عربيات مستعملة بتكون سهلة فى اعادة البيع زى 128 وخصوصا 1300 وكمان 131 و 132 لوحالتها كويسة والشاهين بس الشاهين النظيف بيكون اعلى من 30000
وعندك هيونداى اكسنت وسوزوكى سويفت وعلى فكرة انا شفت فى السوق سوفت موديل 93 واتباعت37500
ولو تقدر تروح السوق اكتر من مرة روح واتفرج وشوف الناس معظمها بيشترى اية
مع ملاحظة ان اسعار المستعمل فى الطالع
وربنا يوفقك وتلاقى عربية كويسة

بص يا باشا معاك حق فعلا بس السوزوكى سويفت اخر مرة شوفتها على دوبيزل من كام يوم ب 26 الف وموديل 96 واستخدام سيدة وبتقول حالتها جيدة جدا ما فيهاش الهوا فا مش عارف صراحة انا احترت اجيب ايه ........ والمشكة اللى معايا اصلا حاليا فى حدود 20 الف وبفكر لو اجيب حاجة كويسة ب 30 مثلا ادفع دول واقسط الباقى على 3 شهور كدا والدى ييجى من سفره ويدفعهم فا مش عارف صراحة وبتمنى اعرف رأيكوا فى ده ولو حد قدامه حاجة كويسة ياريت يقولى

رد: ساعدونى قدامى سيارة هوندا سيفيك موديل 1984

معلش شراء المستعمل عايز صبر على الاخر واوعى تتسرع علشان تركب فتجيب اى عربيه اعمل زى ما بيقولو (شراء غناوة ) وان شاء الله ربنا يوفقك بعربية كويسة ومن ناحية تانية فلوسك معاك مش هتقل يمكن تزيد كمان ان شاء الله المهم متجيش جمبهم