رد: مقارنة بين لوجان - افيو - بروتون ساجا
 

الساجا ممتازة بس المشكلة فى الصيانة وقطع الغيار وطبعاً اعادة البيع لانها مش منتشرة كفاية

والبديل المقنع ليها هو الرينو لوجان عملية واعتمادية وكماليات معقولة

لكن الافيو انساها خاااااااااااااااالص

واهلاً بيك فى مصر موتورز :Bravo:

رد: الرجاء الأفاده
 

عزيزى sherifabden شكرا لك:GROWIN~12:
لكن اريد ان أعرف أختيارك للوجان بناءا على ماذا؟ بعض الناس قالوا انها "خفيفه شويه والفيتيس فيه عيب"

رد: مقارنة بين لوجان - افيو - بروتون ساجا
 

الساجا عربية محترمة جدا وصدقني مش هتندم لو جبتها
قوة سبات انا جبت 170 وكانت مسطرة وكان بعد التليين علطول وممكن كنت اقفل العداد من غير اى مشاكل وخلى بالك 1300 وازمة البنزين جاية عشان تبقى فى المدعوم ومع ذلك مش هتحس انها 1300 خالص وعشان السرقة انذار -امبوليزر -قفل الدريكسيون
زيها زى اى عربية جديدة قطع غيار قليلة بس فى التوكيل ممكن برة ممكن تلاقى برده
دا غيير بيركب عليها حاجات كتيرة زى قطع غيار لانسر بانواعها حاجات للافيو مش هتغلب يعنى انا مثلا مركب ازاز ورا مكنتين بتوع بومة وقلبته كهربا وبعدين زيرو لسه كام سنة على ما تفكر فى قطع غيار ليها
ودا موضوع كان عمله استاذ يحيى عنها
http://www.masrmotors.com/vb/showthread.php?t=66645
:140109~347::140109~347:

رد: مقارنة بين لوجان - افيو - بروتون ساجا
 

مع احترامى لجميع الاعضاء ,انا شايف تحيز لبعض الماركات بدون نظرة عمليه
انا كنت فى نفس الحيرة بتاعتك ,وقعدت ابحث وادور على الاحسن فى الانواع اللى انت ذكرتها ,وهقولت خلاصة بحثى وتجربتى:
اللوجان : انا عملى بجوار توكيل لوجان فى العبور وكنت ناوى فعلا اشتريها ,وكنت بروح اسال الناس اللى بيعملوا صيانة دورية ,وكان معظمهم بيشتكوا من حاجات كتير ويقولولى خليك فى الكورى احسن ,العربية تقيلة جدا فى السواقة ,ماتور قديم جدا وصوته عالى ومزعج ,عفشة ناشفة مش ناعمه زى الناس ما بتقول,تقفيل سئ جدا ,والاهم من ده قطع غيار نااااااااار سواء فى التوكيل او بره التوكيل , اعادة بيع فى الارض
(فنصيحة ابعد عن اللوجان احسن )

الساجا : عربية محترمه وماتور حديث وقوى
بس الحلو ما يكملش :هتدوخ على قطع الغيار ,حتى فى التوكيل هتبقى بالحجز ,توكيل سئ ,قلة الانتشار مش حلو للعربية فى المدى البعيد ,اعادة بيع سيئة, ضيقة من جوه
استهلاك بنزين عالى

الافيو : عربية محترمة ومنتشرة فى مصرجدا ,عالية ,صالون واسع وفخم ,جودة تقفيل جيدة,انا اعرف ثلاثة عندهم العربية ,منهم واحده اتوماتيك , محدش اشتكى منها فى حاجه ,وسيبك من كلام الناس اللى مركبتهاش , موديلات 2012 و2013 حلو فيها جميع المشاكل السابقة,اعادة بيع جيدة ,استهلاك بنزين جيد ,قطع غيار منتشرة ورخيصة (مش هتغلبك فى الاسعار او ندرة وجودها ), ثابتة على الطريق
(انا الصراحة بعد طول دراسة ,ناوت اجيب الافيو ,وفى الاخر حق الاختيار النهائى يرجع ليك )

رد: مقارنة بين لوجان - افيو - بروتون ساجا
 

ساجا بعد تجربتي لبروتون عمتا في كل حاجة كثبات او كشكل لكن قطع غيار بصراحة لسه مجربتش بس بالمقارنة ببداية انتشارها في السوق المصري اكيد هيبقي اسهل بكتير