|
رد: الركنة بين العربييتين عشان انا خلاص هاتجنن
فيه فيديو للركن أحد الأعضاء المحترمين كان وضعه هنا فى المنتدى ممكن حضرتك تبحثى عنه , لأن مش عارف اوصل للنك بتاعه
الخلاص للركن بين عربيتين (خصوصا لو المسافة بنهم صغيرة) نفترض مثلا انك ماشية فى شارع وعاوزة تركنى شمال بين عربيتين راكنين شمال اتبعى الآتى : 1- لازم المسافة بين العربيتين تكون اطول من عربية حضرتك بمقدار نصف متر على الأقل 2- تقفى موازية للسيارة الأمامية وبينك وبينها مسافة حوالى 30- 60 سم بالعرض والأكسدامات الخلفية للسيارتين على مستوى واحد 3- لفى الدركسيون كله شمال وانتى واقفه 4- ابتدى ارجعى براحة حتى يكون منتصف سيارتك (عند القايم اللى فى النص) مقابل للأكسدام الخلفى للسيارة الأمامية اللى راكنه , عند النقطة دى قفى بالسيارة وبعدين 5- لفى الدركسيون لليمبن شوية بشوية وانتى بترجعى براحة وببطىء وخدى بالك من وش العربية بتاعتك لأن ممكن تخبطى فى اكسدام السيارة الأمامية 6- اول ما تحسى ان السيارة بقت واقفة عدل , لفى الدركسيون واعدلى الطارة فى النص , وشدى فرامل اليد يارب اكون افدت حضرتك |
رد: الركنة بين العربييتين عشان انا خلاص هاتجنن
:hehehe:https://www.youtube.com/watch?v=0vCZB_kiN9A
جربي الطريقة دي كده وربنا يستر علي العربيتن وعربيتك بالمرة ههههههههه |
رد: الركنة بين العربييتين عشان انا خلاص هاتجنن
اقتباس:
|
رد: الركنة بين العربييتين عشان انا خلاص هاتجنن
السلام عليكم ورحمة الله وبركاته لا تقلقى يا دكتورة كله بالتمرين والممارسة كلنا كنا كده ربنا معاكى ولو نفذتى كلام الاعضاء المحترمين السابقين أكيد هتلاقى فرق :CHUBBY~36: |
رد: الركنة بين العربييتين عشان انا خلاص هاتجنن
السلام عليكم..ده جزء من اختبار رخصة القيادة هنا في السعودية..سهلة جدا لو اتنفذت بدقة كالتالي..باعتبار أن المسافة بين السيارتين تكفي سيارتك (لا بد أن تزيد قليلا بالطبع).. لنفترض أن المكان الخالي بين السيارتين من جهتك اليمنى:أولا: أوقفي سيارتك بمحاذاة السيارة التي إلى أمامك من السيارتين اللتين ترغبين بالتوقف بينهما (بفاصل حوالي نصف متر بينكما)..وبحيث يكون مكان الركن خلف سيارتك جهة اليمين..وتكون مؤخرة النافذة الخلفية اليمنى لسيارتك (أو الجزء الخلفي المفصول على شكل مثلث من النافذة الخلفية اليمنى لسيارتك) بمحاذاة نهاية السيارة الأمامية.ثانيا: لفي عجلة القيادة لأقصى اليمينثالثا: ارجعي للخلف ببطء حتى يصير الركن الأمامي الأيمن لسيارتك في مقابل الركن الخلفي الأيسر للسيارة الأمامية (طبعا لابد أن يكون هناك فاصل معقول بينهما) ثم توقفي تمامارابعا: لفي عجلة القيادة عكسيا لأقصى اليسارخامسا: ارجعي للخلف ببطء حتي تكون سيارتك موازية للشارع ثم توقفي تماماسادسا: لفي عجلة القيادة لليمين ليكون اتجاه السيارة للامام تماماسابعا: اذا كانت لا تزال خلفك مسافة كافية يمكنك الرجوع للخلف قليلا حتى تفسحي لنفسك المجال للخروج بسهولة.طبعا السائق المحترف لا يحتاج لهذه التوقفات البينية..ومع الممارسة تصبح هذه الوقفة شيء عادي جدأ..تحياتي..
|
| الساعة الآن 07:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017