رد: طلب مساعدة في تجهيز مغسلة سيارات
 

عامة أنا شوفت حاجتين و عاجبني جدا. أولا لو هتاخد محل يستحسن تاخد محل باكيتين جنب بعد علي الواجهة يعني زي ما تقول محلين جنب بعض عشان ممكن تدخل عربيتين جنب بعض و لو واحدة خلصت غسيل ممكن تخرج و تدخل واحدة تالته بسهولة لكن لو المحل بالطول يعني مثلا 4 متر علي الواجهة و 10 متر لجوة بردو ممكن تدخل عربيتين لكن لو اللي جوه خلصت هتضطر تستني اللي برا لما تخلص يا اما تخرج اللي برا الأول و بعد كده تخرج اللي جوه و بعد كده تدخل اللي كانت برا تاني. الفكرة التانية لو تعرف تاخد قطعة أرض فاضية حوالي مثلا 200 متر و تعمل فيها المغسلة هتديك فرصة تشتغل براحتك و تخدم أكثر من عربية في الوقت الواحد. علي فكرة أنا شوفت ناس كتير عاملين الفكرة التانية ديه و جامدة جدا الصراحة. ربنا يكرمك و يكرمنا.

رد: طلب مساعدة في تجهيز مغسلة سيارات
 

ربنا يكرمك ..أفكار رائعة
الحاجات الىل انت شوفتها فين ؟
تقصد حاجات للايجار ولا تقصد انك شوفت امثلة ؟

رد: طلب مساعدة في تجهيز مغسلة سيارات
 

أقصد أمثلة للأرض و المحل الباكيتين. لكن حضرتك لو دورت علي أي أرض صاحبها مسقعها أو مش معاه فلوس يبنيها هيوافق يأجرهالك عادي لأنه مش مستفيد حاجة بوقفتها كده. لكن بالمناسبة حكاية الأرض ديه علي أد ما هي جامدة لكن فيها مشكلة ان صاحبها هياخدها عاجلا أو أجلا عشان يبنيها و ساعتها سيادتك هتخسر شوية التوضيب بتوعك فيستحسن انك تكتب معاه العقد ب 5 سنين أو علي الأقل 4 عشان تاخد فرصة تشتغل و تكسب وقبل العقد ما يخلص بسنة تجدد معاه عشان لو رفض تاخد فرصة تشوف حاجة تاني تنقل فيها.

رد: طلب مساعدة في تجهيز مغسلة سيارات