رد: ايهما افضل ارجو النصيحه
 

طيب يا استاذ احمد اول حاجة شكرا على رد وتفاعلك بس كنت حابب اصال هن الرينبو من الجو حلوة ومريحه والا لا وهل ارتفاعها عن الارض كويس انت عارف شوارع مصر وتانى حاجة هل سحبها وسرعتها كويسين والا لا وصوتها على والا كويس واخر حاجة واسف على الاطاله انا كنت قريت ان دريكسيونها تقيل فهل دة حقيقى والا كذب وشكرا مرة تانيه

رد: ايهما افضل ارجو النصيحه
 

شكرا لكل من تفاعل مع الموضوع

رد: ايهما افضل ارجو النصيحه
 

بص ياباشا بالنسبه لكونها عربيه حلوه هي من جوه حلوه كتابلوه وخامات دي فرنسي يا باشا وطبعا افضل خيار ف شكلها الداخلي بالمقارنه بسعرها يعني احسن من كل الكوري جديد او قديم
بالنسبه للاتساع واسعه بحر تكفي 5 تخاااااان ومستريحين جداااا
بالنسبه للعلو عن الارض عاليه عن الارض رغم انها مش بيبان قوووي كده بس لما صاحبي جيه يعاينها كنت باصلح عربيتي القديمه وقتها وجالي وركبت انا وصاحبي والميكانيكي وصاحب العربيه يعني العربيه كان فيها 4 بالغين منهم اتنين تخااان اللي هو صاحبي والميكانيكي ومع زلك محكتش ف اي مطب خااااااااااالص ولو انت جيت تعاين وحملت وحكت يبقي العربيه عايزه مساعدين متقلقش من الارتفاع خالص غير المساعدين وهتلاقيها مبتحكش
بالنسبه للدركسيون هو مش تقيل قوووي زي العربيات القديمه ومش خفيف قوووي زي الفيرنا وده لانه هاااف بووور half power يعني مش هيتعبك ف السواقه ودي ميزه مش عيب علي فكره هتلاقي الدركسيون معقول وانت وااقف ولكن وانت ماشي علي سرعات عاليه هتلاقي حلو معاك ومديك ثبات كويس عكس اغلب ال power بيدلعك وانت واااقف ويشخلعك ع السرعات العاليه تلاقي الدركسيون بقي ميه وتبقي العربيه صعبه ف التحكم والمناوره ودي مشكله ف اغلب الهيونداي علي ما اعتقد
بالنسبه للسحب اطمن سحبها حلو جدااا وصاحبي جابها عشان هو بيموووت ف الجري والعربيه حلوه ف السحب وف نفس الوقت ثابته عكس اغلب العربيات سحب حلو لكن مفيش ثبااات

الخلاصه يا باشا العربيه دي حلوه جداااا وانا نفسي كنت باقرف من اي رينوو مش عشان عربيه وحشه لا عشان قطع غيارها صعبه وصيانتها مشكله لكن اكتشفت ان قطع غيارها عاديه جدا ورخيصه وان الرينو مشكلته ف الصيانه ف الانجكشن يعني الرينو الكاربيراتير صيانته عاديه جدااا فلو العربيه دي بموتورها الاصلي الكاربيراتير اشتريها واتوكل علي الله لكن لو طلع مسقط لها موتور انجكشن ودي نادر ما تحصل يبقي ابعد عنها
اه وعلي فكره بتمشي ببنزين 80 عادي جدااا لانها كاربيراتير وسحبها حلو رغم ان البنزين 80
وبالنسبه لصوت الموتور معقول مش عالي قوووي ومش واطي يعني حلو بس مش من العربيات اللي تبقي قاعد جواها مش عارف ازا كانت دايره ولا لا هتكون عارف انها دايره بس مش هيضايقك صوتها خااالص

رد: ايهما افضل ارجو النصيحه
 

انا شاكر ليك جدا يا باشا بس ليا ملحوظه واحدة على كلامك حضرتك وارجو انك متزعلش منى لانى حسب ما قريت على النت العربيه ديه تركى ومفيش منها فرنسى
لكن بجد انا مش عارف اشكر حضرتك ازاى :THUMBS~220::THUMBS~220:

رد: ايهما افضل ارجو النصيحه
 

هي تجميع تركي لكن شركه رينو فرنسي واي شركه كبيره طبعا بيكون ليها اكثر من مصنع ف بلاد العالم كلها طب كمان الميجان والكليو تجميع تركي برده وشوف سعرهم زيرو كان كام
واي قطعه ف العربيات دي بيكون مكتوب عليع صنع في رينو مش صنع ف تركيا الخلاصه هتلاقي جوده التقفيل اقل لكن الاساسيات فرنسي
وعلي فكره هناك اختلاف جزري بين عربيه تجميع ف مصانع رينو ف تركيا وبين تجميع تركي لو تجميع ف مصانع رينو بيكون ف المصنع بتاع الشركه الام اللي ف تركيا وده شيء عادي مش يخوف لكن لو تجميع تركي يعني تجميع ف اي مصنع بتاع موزع او وكيل زي اللي بيعمله غبور هنا ف الهيونداي وده لان هيونداي مالهاش مصنع هنا
واعمل سيرش ع النت وانت هتلاقي ان رينو وبيجو لهم مصنع ف تركيا وده اللي بيتم التصنيع فيه تحت اشراف شركه رينو وبنفس جوده رينو المعروفه لان شركه كبيره زي دي مش هتحط علامتها علي عربيه اي كلام