رد: كام مرة ...!!!
 

انا خدت خبطة واحدة قبل كدة
للاسف العربية اللي خبطتني كانت سايقاها واحدة ووالدتي كانت قاعدة جنبي
بس الحمد لله جت عندي سليمة يا دوب انبعاج بسيط في الرفرف اللي ورا
(اصلي كنت سايق 132) والعربية التانية كانت لانسر كريستالة جابت رفرف ادماني و جزء كبير من الكبوت
عشان كدة مرضيتش اكلم كتير اصلها طلعت مدمرة

رد: كام مرة ...!!!
 

بسم الله الرحمن الرحيم نبتدي
الاسم حازم محمد ابراهيم خضر
العمر:29 سنه الشهر الجاي حكملهم ان كان لينا عمر
بسوق من 19 سنه حيكملوا الشهر الجاي برضه هههههه

اول خبطه فاكرها كويس كانت 22 يوليو 1991 كان عندي 11 سنه ptmnlo123per122
و واخد العربيه من ورا والدي و ماشي في شارع جنبنا لقيت واحد صاحب بابا مش بطيقه
بيقولي رايح فين قولتله بلف العربيه قالي طب لفها انا واقف اهو
المهم بلفها و راجع بضهري قام الاكصدام خابط في عربيه نقل واقفه و حته في الرفرف اتحكت.

و بعد كده الحمد لله ما اتخبططش مني لفتره طويله و ممكن شويه حكات علي خفيف دا لو كانت اتحكت

تاني خبطه بقي كانت سنه 96 في اجازه تانيه ثانوي
برضه نازل واخد العربيه من ورا الوالد و واقف في نفس الشارع بتاع الخبطه الاولي عربيه كارو قدامي واقفهptmnlo123per160
وقفت قام الحمار(و اقصد هنا السائق و ليس الحيوان اللي بيجر العربه)
راجع بالعربيه لورا خبط الكابود خبطه محترمه روحت واخد العربيه و راجع البيت راكنها زي ما هيا
و ما جبتش سيره لوالدي ولا اي حد و هو وقف في البلكونه شافها كده قولتله حتلاقيها اتخبطط و هيا واقفه
نزل يشوف الخبطه كان فيه واخد فاتح محل بطاريات و كاوتش قاله دا حازم كان بالعربيه بره من شويه
راح طلع البيت و اخدت حته علقهptmnlo123per1116علشان اخدت العربيه من وراه و علشان كدبت !!!!!!!!!
و الحمد لله كانت بسيطه



تالت خبطه كانت يوم 9 يونيو سنه 1999 و دي اللي كانت كبيره
كنت في زفه بتاع اخت واحد صاحبي و مجنن كل اللي كانوا ماشيين في الزفه
و حاطط فنار زي بتاع عربيات الشرطه علي السقف و ماشي كل اللي في الشارع بيشتم فياptmnlo123per154
المهم ببص علي الناس اللي ورا و بكلمهم و عربيه نص نقل وقفت قدامي فجأه من غير لا فوانيس و ستوب
ولا اي حاجه و جيت اخد شمال لقيت اتوبيس و وقفت قامت العربيه مزحلقه و طاااااااااخ خبط من اول الرفرف اليمين
في اكصدام النص نقل و كانت دي اتقل خبطه خبطها للعربيه.

رابع خبطه كانت يوم 28 ديسمبر سنه 2000 (ودي اللي ختمت بيها القرن العشرين :) )
كانت الدنيا بتشتي و انا كنت مغرم بالجري في الشتا اوي و بجري في وسط البلد
70 80 90 100 و فجأه الاقي تاكسي واقف في نص الشارع بياخد زبون
و نازل ينضف الزجاج الامامي!!!!!!
طبعا لا فرامل تلحق ولا اي شئ قمت لافف الدركسيون العربيه لفت مني و بقي وشها في وش العربيات الجايه
قمت مكمل اللفه و قولت اخبط جنبي في جنب التاكسي و خلاص ماهي كده كده حتخبط
المهم ما ظبططش و قام برضه الرفرف اليمين بتاع الخبطه اللي فاتت دخل في الرفرف الشمال للتاكسي
و العربيه بقت طبق الاصل شبه الخبطه اللي فاتت رفرف ضايع و اكصدام ملووح و كابود متني و شويه فوانيس مدشدشه:(:(
بعد الخبطه دي والدي منع عني العربيه بحجه انه خايف عليا لا العربيه تموتني

لحد ما قال يخبط عربيتي احسن ما يخبط عربيات الناس كنت اياميها اتخرجت و عقلت
و عرفت ان كل حاجه بتتكلف وفلوس و وقت ضايع و بتنزل من تمن العربيه
دول يمكن اكتر خبطات اثروا فيال و في اسلوب سواقتي العنيفه في ذلك الوقت
و الحمد لله الحمد لله ما حصلش حاجه بفضل ربنا غير شويه خرابيش و رده علي البارد
و خبطتين في الياريس كنت انزل الاقيها مخبوطه و هيا واقفه 6 شهور ما سوقتهاش لحد ما بدأت اخد عربيات زمايلي و اجيبها تحت البيت و تعمدت اعرفه

رد: كام مرة ...!!!
 

بسوق من 15 سنه يعني من و انا عندي 14 سنه

اول عربيه جبتها بأسمي كان عندي 16 سنه كانت بي ام ديزل

ما علينا المهم ان انا الحمد لله مش بعمل حوادث و لا حتى خبطات

هما بس 3 حوادث و للاسف ال3 حوادث ضاع فيهم 3 عربيات و ال3 في مصر المحروسه

اولهم باجيرو 2002 كان في شتاء (اجازه منتصف العام الدراسي بتاع 2002-2003) و كنت رايح الساحل الشمالي (بحب اشتي هناك) بس كنت ماشي و طالع كوبري اللي بيطلع على الكيلو 21 قبل ما يعملوا طريق العلامين المهم كان الطريق مليان زيت رحت مشغل التراكشن عادي خالص و تقريبا ثابته بس المصيبه انها كانت بتمطر :) و جت عربيه مقطوره معديه صاروخ و الظاهر ان كان فيه فسحه مبين حليات الكوبري بس المقطوره فصلت و جت عليا و وقعت من فوق الكوبري بالعربيه بس المسافه مكنتش كبيره يعني و الحمد لله المقطوره فضلت على الحرف و موقعت على العربيه طبعا العربيه بقت لا تصلح شاسيه و سقف بس خالي كان مأمن عليها و انا خرجت بكسور

تاني حادثه كانت بعربيه كرسيدا داخل على مكان فوسط الفلل فمنطقه المفروض نضيفه و كويسه و ماشيين نتفرج على الفلل ننقي تصميمات و نشوف الناس عامله ايه و في نص الشارع اللي هو اصلا رايح جي فجاه ظهر لودر بسرعه جنونيه لا يمكن مهما عمل يقف جيت افاديه فاكر على اساسا اني شايف ان لسه الشارع ممتد سقط في حفره على عمق لا تقل عن 3 امتار المره ديه كانت سليمه شويه كسرين بس و الحمد لله

ثالثهم كان اتوبيس غرب الدلتا في وادي النطرون العام الماضي بعد مخلصت فرح بنت خالي قلت اروح على مارينا شويه قبل ما ارجع الشغل و وانا ماشي جنبي اتوبيس غرب الدلتا باين او سوبر جيت عجلته طرقعت اتقلب عليا و ديه مركب فيها حتى الان 32 شريحه على مسمار و هشلهم الشهر القادم لو انا غلط في حادثه واحده منهم حد يقولي

رد: كام مرة ...!!!
 

رد: كام مرة ...!!!
 

يا ساتر يا رب
ايه دا يا محمد ربنا يحرسك و يحفظك من كل سوء