|
رد: سايس السيارات مشكله لازم ليها حل ضرورى
زي ما قال سبايدر متدفعش واللى يكلمك حط ايدك في عينة وخليك جرئ
بس لو جيت للحق انا ساعات بدفع لما بلاقية هوه مش بيطلب او بيرخم |
رد: سايس السيارات مشكله لازم ليها حل ضرورى
اقتباس:
خد بالك انهم بيعرفو العربية وبييكتبو رقمها وبيبلغو بعض ولما تيجى تركن مرة تانية طبعا هما مش هيتخانقو معاك برغم انهم قادرين على دة لانهم مش واحد لا دول شلة مع بعض يعنى تلاقى الشارع الواحد فية مثلا 3 فمش هيغلبو معاك بس الموضوع مش كدة لا هما هيسبوك تركن ويروحو خارم لك عجلة واحدة تيجى انت بقى تلاقى العربية على الارض هتعمل اية ؟ اللى انا بقصدة ما تتخانقش ولما يتكلم معاك قولة انتو مين اللى سمحلكو تقفو هنا وفين الرخصة انا ساكن هنا او انا شغال هنا هل كل ما انزل رايح او جى اديك خمسة جنية لية هو انت شايفنى وزير هيقولك طب ادينى اى حاجة تقولة دانت ما مسحتش العربية ما غسلتهاش تحسسة انة ياخد فلوس على اية بكدة انت اللى مسيطر وفية ناس اول لما يشوفوك بتركن او بتاخد العربية وماشى يعملو نفسهم مش شايفينك علشان عارفين انك هتتخانق معاهم او هتزعق مش كل الناس الموضوع بجد بقى يقرف اوى محسسنا ان الشوارع دى ملكهم واحنا ملناش حق نركن عربياتنا فيها ياريت الموضوع يكبر ويوصل للحى او للمحافظة علشان يقنن الموضوع انما سداح مداح كدة حاجة رخمة تحياتى :fun_36_3_11[1]: |
رد: سايس السيارات مشكله لازم ليها حل ضرورى
المشكله يا جماعه ان الموضوع زاد عن حد مش معقول كل واحد عنده 4 مشاوير فى اليوم يخرج وعامل حسابه على 20 جنيه اكراميات دا غير بتوع البنزين اما بتمون وكمان حرقه اعصابك مع سواقين جهله و اصوات كلكسات حتى لو شايف قدامه طريق مسدود وكان الطريق اتعمل لواحد بس يمشى فيه ومش مسموح لحد يوقفه لحظه الموضوع بيكبر يا جماعه بدل ما كنت بتشوف ناس عاديه و تديهم جنيه و تخلص بقى عندك شله كل واحد ماسك حته فى الشارع .............دا انت لو رحت شارع الهرم لوحده تفلس اخر اليوم من الاكراميات بجد انا مش فاهم مين نشتكيله بعد ما بقى الموضوع تابع لبتوع الحى اللى مشغلين نص البلطجيه دول و النص التانى تابع لبتوع الشرطه والمرور و بيقسموا مع بعض مقابل انك تركن فى مكان هوا اصلا ممنوع تقف فيه قطعيا!!!!!!!!!!!!! انا لسا شارى العربيه من شهر 8 بس بجد كرهت امها و كرهت الشعب الواطى ده لدرجه انهم وصلونى لان بقيت ادايق من الناس الغلابه اللى فى الشارع لانى بقيت حاسس انهم ممكن يتحولوا فجاه لسايس و بدل ما كنت بتديلهم بمزاجك هياخدوا منك بالعافيه او بطريقه مقننه زى شغله السايس التابع للحى او بقى يخرب بيت عربيتك اللى ممكن تكون انت راكبها و بتصرف عليه بالعافيه بجد حسبى الله و نعم الوكيل وانا هحاول اتصل بمنظمة حقوق الانسان او اروح اعمل محضر للناس دى فى اقرب قسم ليهم وان ما اخدتش حقى هبيع العربيه و ارجه لذل الميكروباصات تانى اهو احسن ما واحد يدينى سكينه فى جنبى ولا حاجه و طظ فى مصر بلد المهانه حسبى الله ونعم الوكيل |
رد: سايس السيارات مشكله لازم ليها حل ضرورى
حصلت معايا مواقف كتير ولقيت نفسى بدفع فلوس بغباء فقلت حرام بقى انا اولى بالفلوس دى فجاتلى فكرة متخلكش تدفع ولا مليم .. لما تجى تركن وتلاقى البيه السايس فى قفاك بيساعدك تركن على اساس ان احنا مش بنعرف نركن , ما علينا تقوله شوية وجاى مثلا 5 دقائق وجاى تانى طبعا هو حيكون مستنيك عشان ياخد فلوس , بعد ما تخلص المشوار بتاعك روح على عربيتك زى الباشا حتلاقى جايلك زى الصاروخ و يقول كل سنة وانت طيب يا باشا طبعا الكلام اللى ميدخلش الدماغ ده تيجى تقوله معاك فكة 200 فى حالتين حيرد عليك لو قال لأ يبقى تقوله المرة الجاية وتمشى وتسيبه ولو قال اه معايا فكة قله وانا مش حفك 200 عشان خطرك ولو شد معاك عادى انت راكب عربيتك ومش حيقدر يعمل حاجة... لو انت شديت معاه فى الاول وسيبت عربيتك متعرفش هو ممكن يعمل فيها ايه, بجد بقالى سنه مدفعتش ولا مليم بعد كده ....
|
رد: سايس السيارات مشكله لازم ليها حل ضرورى
حصلت معايا مـره واحده بس كنت مع واحد صحبي
وصحبي دا ماشاء الله عليه طول وعـرض وصوته خشن جدا وكان حالق اقرع كمان بعد ماركنا الراجل كتب علي البربريز الساعه الي ركنا فيهاا واحنا ولا قولنالو بتعمل ايه ولا بتكتب ايه مشينا قضينا مشوارنا وجينـا السايس بيقول لصاحبي خمسه جنييه صاحبي برئلو بعينه بس كدا وقالو انت عبيط ياض ولا ايه هههههههههههههه والله خد الكلمـه وسحب نفسه علطـول |
| الساعة الآن 11:44 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017