رد: يايات اتكسرت العمل ايه؟
 

السلام عليكم ورحمه الله وبركاته
الف شكر لكم أ/ mr_astra و أ/memononos على الرد وكلى الحلين انا شيفهم لهم ميزات ولهم عيوب
الاستيراد :
مزته انه الفبريكه وانه المعدن المطلوب فعلن وانه الافضل للسيارة , لكن العيب متعرفش مدى الاهلاك بتاعه (فانت وحظك)
الحديد العموله :
مزته انك عمله على ايدك , بس عيبه انه مش من الخامه المطلوبه وخامه نشفه وسهله انا شايف انها تتكسر مع الشغل وانا شايف انها بتاثر على بقيه اجزاء العفشه الخلفيه من مساعدين ومقصات بالسلب (فاصرف بس من ناحيه تانيه)

انا هاتوكل على الله في الاستراد لاني يعتبر مبحملش العربيه (انا وزوجتي فقط) ويهمني االنعومه الغير متوفرة في 128 اصلن فمش ناقصه تنشف اكتر ddd:
بس عندي سؤال : دي سورة من كاتلوج الصيانه للفيات وانا شايفهم 3 ورفات يايات هل انا صح ولا غلط ؟ عشان اعمل الصح (على رئي غسان مطر)

http://www.masr1.com/di-MJ44.jpg

تحياتي :fun_36_1_39[1]:

رد: يايات اتكسرت العمل ايه؟
 

العربية لو نشفت من ورة بتشرخ الكرتيرت بسرعة جدا والشروخ بتوصل لغاية الشنطة
السوست الجديدة ركبتها فى عربيات قبل كدة اولا ناشفة جداااااااا وبتهبط بسرعة
وسوست الفبريكة هما اتنين مش تلاتة انا متاكد انهم اتنين

رد: يايات اتكسرت العمل ايه؟
 

شكرا لحضرتك جدا ,ROSE4U

رد: يايات اتكسرت العمل ايه؟
 

السلام عليكم
تم تركيب السوست او اليايات والحمد لله واليكم ماتم عمله وملاحظاتي :-
اشتريت سست استراد ووجدت نوعين واحد عبارة عن ورقتين والتاني 3 ورقات والاتنين فبريكه العربيه والتنين بسعر 120 جنيه
ركبت السست بمصنعيه 30 جنيه
الي كانت موجودة في العربيه حديد (مصنع محلي مش الفبريكه)
ملاحظاتي :
العربيه بقت انعم كتير من الاول وبتاخد وتدي مع المطبات احسن بكتير
العربيه وطيت شويه مع التحميل ودة طبيعي لان السست الفبريكه اكثر مرونه واخف وزن من الحديد بكتير ودة مش مسبب لي ضرر لان قليل لمى العربيه بتزيد حمولتها عن 2 عندي

سبب اكسار السست القديمه هي برودة الجوا وسوء خامه الحديد

رد: يايات اتكسرت العمل ايه؟
 

الف الف مبروك
فعلا بتدى احساس احسن بالمطبات بس كنت قلتلك خلى الحداد يقنطرهم قبل التركيب عشان اما تهبط بعد كام يوم تبقى الطبيعى بتعها