رد: تغيير مقاس الاطارات 113 ارجو النصح
 

واحده واحده يا معلم. المقاس الأصلي 175/60R14 ده سمك الكاوتش 105 مم و عرضه 175 مم.
المقاس الجديد 185/60R14 ده سمكه 111 مم و عرضه 185 مم.
يبقس سيادتك هتعلي العربيه 6مم و طبعا هتحس أن العفشة أطري شوية و العرض هيزيد 1 سم و ده هيزود الثبات شويه لكن مش هتحس بيه قوي لأن العربيه هتعلي شويه و ده بيقلل الثبات طبعا. فالمحصلة تقريبا هتلاقي فرق بسيك في ثبات العربيه أو مش هيتغير خالص.
من الأخر لو هتجيب المقاس الجديد يبقي طقم كامل ما أنصحكش تجيب فردتين فقط. لكن ليه سؤال أنت ليه ما تركبش الاستبن مكان الفرده اللي باظت و تخليها هي استبن و خلاص؟
السعر معقول و كومهو ماركة كويسه.

رد: تغيير مقاس الاطارات 113 ارجو النصح
 

اشكر الاخ svneleven علي نصيحتة وفعلا كلامك منطقي جدا
اه بخصوص الاستبن فانا كنت ركبتة مكان فرده باظت قبل كده من فتره
بس انا كنت بدور في الموضوع ده ولاقيت موقع كويس ده اللين بتاعة http://www.kouki.co.uk/utilities/vis...ize-calculator
ووجدت ان المقاس الاعرض هيخلي عداد السرعة عندي مش دقيق تقريبا السرعة الفعلية للسيارة هتكون اعلي من قراءة العداد بحاجة بسيطة بس الحكاية ديه شكلها هتخليني استخدم المقاس القديم واريح دماغي
بس انا لسة مستني رايكم

رد: تغيير مقاس الاطارات 113 ارجو النصح
 

حكاية العداد هتكون فرق بسيط حوالي 2.1 % زيادة يعني لو العداد بيقول 100 كم/س يبقي أنت ماشي علي 102 كم/س.

رد: تغيير مقاس الاطارات 113 ارجو النصح
 

فعلا كلامك صحيح وانا بأشكرك علي اهتمامك وربنا يجزيك خيرا
انا كنت منزل الكتالوج الاجنبي بتاع العربية ووجدت فيه انهم بينصحوا بعدم تغيير المقلس لان ده هيأثر علي العفشة والباور وطبعا هيخلي عداد السرعة والكليومترات مش دقيقيين .
وبالتالي وبما اني اقتنعت بكلامك بخصوص ان ثبات العربية مش يفرق اوي لان العربية هتعلي فقلت انا هاريح دماغي وكده كده انا في الغالب بمشي علي 110-120 واظن ان العربية ثباتها كويس معايا فجبت فردتين GT اندنوسي علي نفس مقاس الفبريكة (الواحده عاملة 350ج) بس لما روحت اركبهم بتاع الكاوتش ما رضاش يركبهم قالي خليك لغاية دخلة الصيف والتشقيق ده صطحي ومش هيأثر في حاجة فهستني شوية وخلاص.
وانا بشكر كل اللي نصحني وجزاكم الله خيرا

رد: تغيير مقاس الاطارات 113 ارجو النصح
 

خليك فى المقاس الاستاندرد بتاعها افضل علشان ما تعملش مشاكل مع العفشة