مصر موتورز مجتمع السيارات - استفسار بخصوص تخطى مؤشر rpm العلامة الحمراء

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - استفسار بخصوص تخطى مؤشر rpm العلامة الحمراء (https://www.masrmotors.com/vb/showthread.php?t=105131)

رد: استفسار بخصوص تخطى مؤشر rpm العلامة الحمراء

الحمدلله على سلامتك
حفظك الرحمن الرحيم من شيطان الطريق
والاهم عدم تكرار ذلك مرة اخرى
من الممكن القاء نظرة على زيت الموتور

رد: استفسار بخصوص تخطى مؤشر rpm العلامة الحمراء

اقتباس:

المشاركة الأصلية كتبت بواسطة محمود زيزوو (المشاركة 819717)

مفيش مشاكل عادى خالص موقف وحصل طارئ مش مستديم يبقى متقلقش خالص والحمد لله على سلامتك

اقتباس:

المشاركة الأصلية كتبت بواسطة محمد فيصل (المشاركة 819806)

شكرا جدا ليكم وربنا يعلم انى انتوا اكثر من اخوة لدى وكل يوم نستفاد منكم

رد: استفسار بخصوص تخطى مؤشر rpm العلامة الحمراء

مادام الوقت مازادش عن الثواني يبقى إن شاء الله مفيش مشاكل

الكلام اللي في الاقتباس تحت ده كان ردي على سؤال عن السبب في تحديد الـRed Zone في عداد التاكوميتر (RPM) في الموضوع ده:

اقتباس:

المشاركة الأصلية كتبت بواسطة borio1704 (المشاركة 616600)

السر في الوزن

يعني كل ما كانت الأجزاء المتحركة في الموتور خفيفة.. كل ما كانت القدرة على تحريكها أسهل، وبالتالي يمكن الوصول إلى سرعات أعلى

والفرق هنا باين بوضوح في الفرق بين المواتير الجبارة بتاعة عربيات النقل مثلا ومواتير العربيات الصغيرة.. في العربيات الكبيرة أقصى سرعة للموتور بتبقى في حدود 3000 إلى 4000 RPM لإن البساتم والبيلات كبيرة وتقيلة، في حين إن العربيات الصغيرة حاليا السرعة القصوى للموتور بتبقى في حدود 6000 إلى 8000 RPM
(عربيات الفورمولا 1 بتوصل لحد 18 ألف RPM لإن البساتم والبيل من الكاربون فايبر)

على فكرة.. السرعة القصوى هنا المقصود بيها المنطقة قبل الرد زون

بالنسبة للرد زون.. فالمنطقة دي هي الجزء اللي الموتور يقدر يوصل فيها للسرعة دي بس احتمال إن الموتور يحصله حاجة بيرتفع جدا... والحاجة اللي غالبا بتحصل هنا هي كسر في البيل، وده بيخلي البستم حر الحركة فيبقى عامل زي طلقة المدفع وبيحصل انفجار للموتور

الرد زون مش محظورة نهائيا، إنما ممكن تدخل فيها لثواني بس (ثانية أو ثانيتين) وبعد كده لازم تنزل في المنطقة الأمان فورا.

بس علشان تحافظ على طول عمر موتورك.. يفضل ما توصلش الموتور لأكتر من تلتين أو تلات ارباع المنطقة الأمان، والمنطقة الباقية لحد أول الرد زون توصلها ساعة اللزوم بس (يعني لما تبقى عايز تاخد غرزة أو بتسقط نقلة).

أرجو إني أكون فدتك

...

رد: استفسار بخصوص تخطى مؤشر rpm العلامة الحمراء

اقتباس:

المشاركة الأصلية كتبت بواسطة borio1704 (المشاركة 819896)

مادام الوقت مازادش عن الثواني يبقى إن شاء الله مفيش مشاكل

الكلام اللي في الاقتباس تحت ده كان ردي على سؤال عن السبب في تحديد الـRed Zone في عداد التاكوميتر (RPM) في الموضوع ده:

...

اكيد الكلام افادنى وطمنى اكثر على العموم من خلال قلقى انصح انى محدش يجى جمب المنطقة دى نهائى والحمد لله انى محصلش حاجة لله الحمد وربنا يطمنكم ويستر طريقنا كلنا

رد: استفسار بخصوص تخطى مؤشر rpm العلامة الحمراء

كدة كدة العربية بتفصل عند ار بى ام عالى
متخفش محصلش حاجة