مصر موتورز مجتمع السيارات - معلومه خطيره فى زيت موبيل وان للاسبرنزا

اقتباس:

المشاركة الأصلية كتبت بواسطة osa92003 (المشاركة 811658)

حكايه الزيت المناسب وتأثيره على موتور الاسبرنزا الموضوع ده كبير اوى ويظهر كده ان ابو الفتوح عامل نصبه كبيره اوى وده يمكن من الاسباب اللى احيانا ممكن تأثر على موتور الاسبرنزا
نحكى الموضوع..
الشركه المصنعه بتوصى بنوع زيت من نوع 10w-40 ويتوافق مع كود SJ لحد هنا كويس جدا
نيجى بقى لموبيل وان هنا فى مصر لايوجد به الا 3 انواع :
Mobil 1 New Life™ 0W-40
Mobil 1™ ESP Formula 5W-30
Mobil 1 Peak Life™ 5W-50
النوع الاول هو اللى بيستخدم فى المواتير الجديده وهو بيتمتع بدرجه لزوجه اخف شويه ويطابق متطلبات كود SJ
والمفاجاه ان ابو الفتوح وكل الموزعين وتقريبا كل محطات موبيل فى مصر مافيش فيها النوع ده خالص
النوع الثالث ده اللى موجود فى كل محطات موبيل مصر وللاسف بيستخدمه ابو الفتوح وده اثقل شويه ولكن لايوصى استخدامه فى المواتير الجديده ولايتوافق مع كود SJ
انا لفيت على اكتر من محطه موبيل ومركز خدمه لابو الفتوح ومافيش غير النوع الثالث وده مش مظبوط للموتور فى بدايته :pty::pty:

كود الـAPI SJ هو أقل كود زيت ممكن تحطه في الموتور

يعني مفيش مشاكل أبدا إنك تحط زيت SL أو SM أو SN

يبقى المهم إنك تدور على درجة اللزوجة المناسبة اللي هي 10W-40

يا سيدي لو ما لقيتش في موبيل ... أكيد هتلاقي في شيل أو توتال أو أي ماركة تانية موجودة في السوق... المهم تشتري من مكان مضمون

لو عايز تعرف معلومات عن طرق اختيار الزيت المناسب للعربية.. ادخل على الموضوع ده:
"قواعد اختيار زيت الموتور.. إزاي تعرف الزيت المناسب؟؟؟"

...