مصر موتورز مجتمع السيارات - مشكله كبيره في لانسر بومه ومش لاقي حل وزهقت

مصر موتورز مجتمع السيارات (https://www.masrmotors.com/vb/index.php)

- لانسر بومه (https://www.masrmotors.com/vb/forumdisplay.php?f=204)

- - مشكله كبيره في لانسر بومه ومش لاقي حل وزهقت (https://www.masrmotors.com/vb/showthread.php?t=104124)

رد: مشكله كبيره في لانسر بومه ومش لاقي حل وزهقت

اقتباس:

المشاركة الأصلية كتبت بواسطة eng/walaaeldeen (المشاركة 811092)

السلام عليكم
معلش ليه سؤال رخم شويه
هل كان معاك سياره اوتوماتيك قبل ديه لو الجواب بنعم ياترى هل كانت بتستهلك تيل ايضا ولا لأ
لأن من الممكن يكون سلوك في القياده انا عن نفسي بستهلك تيل كثير لأني بحمل كثير علي الفرامل وانا ماشي
والله المستعان

علي فكره السؤال مش رخم ده سؤال زي الفل :THUMBS~220:
بس انا كان معايا عربيه اوتوماتيك قبل كدة وكانت دايو ليجانزا وكانت بتغير تيل جوالي كل 20 الف كم ومش بحمل كتير علي الفرامل يعني بهدي العربيه واحدة واحدة مش بدوس فرامل واا لازق في العربيه اللي قدامي يعني الطبيعي يعني
وشكرا علي اهتمامك وردك :fun_36_3_16[1]: :fun_36_3_16[1]:

رد: مشكله كبيره في لانسر بومه ومش لاقي حل وزهقت

البدال عندك فية بوش ولا من اول سنة فرامل بيبدا عملها؟؟؟؟؟؟؟؟

رد: مشكله كبيره في لانسر بومه ومش لاقي حل وزهقت

لو فى رجة فى الدركسيون مع دوسة الفرامل يبقى محتاج تخرط الطنابير الاول قبل تركيب تيل جديد
وممكن يكون عيب الطنابير السبب الاساسى لسرعة تاكل تيل الفرامل
وتقبل مرورى

رد: مشكله كبيره في لانسر بومه ومش لاقي حل وزهقت

اقتباس:

المشاركة الأصلية كتبت بواسطة mr_astra (المشاركة 811132)

البدال عندك فية بوش ولا من اول سنة فرامل بيبدا عملها؟؟؟؟؟؟؟؟

لأ من اول سنه بتبدأ عملها
لدرجه ان انا بقول ان الفرامل بتاعتها ع الشعره
طب ده يبقي ايه كويس ولا وحش ولا ايه ؟!

رد: مشكله كبيره في لانسر بومه ومش لاقي حل وزهقت

اقتباس:

المشاركة الأصلية كتبت بواسطة lalala (المشاركة 811165)

لأ من اول سنه بتبدأ عملها
لدرجه ان انا بقول ان الفرامل بتاعتها ع الشعره
طب ده يبقي ايه كويس ولا وحش ولا ايه ؟!

لا مش كويس واحتمال يكون هو دة السبب لازم يكون فية سنة بوش
كدة الفرامل او تيل الفرامل لامس الطنابير طول الوقت
الحل
يوجد صامولة رجلاش داخل سيرفو الفرامل
لما نفك السيرفو بنلاقى صامولة الرجلاش دى راكبة على سيخ البدال بنهوى عليها شوية ونركب السيرفو تانى وبامر الله المشكلة تتحل