رد: الغيار الاول بيعلي صوت الماتور بدون تسارع - فيات بونتو
 

تحت امرك وهاروح ابص على الموضوع التانى
كلفة الحاجات دى
نضافة كربراتير وعمل اللازم 60 جنية
البوجيهات الوكلام دة ممكن الميكانيكى ياخد 20 جنية

انماا لو هانغير الاسطوانة

هانشترى اسطوانة بـ حوالى 90 جنية

ومصنعية فك وتركيب من 80 الى 100 جنية حسب الميكانيكى
وهاينقص حوالى كيلو زيت فتيس بـ 15 جنية

رد: الغيار الاول بيعلي صوت الماتور بدون تسارع - فيات بونتو
 

شوفت الموضوع

وصفك للمشكلة بيروح لاسطوانة الدبرياج

هو الدبرياج عندك عالى اوى ؟؟؟؟

وخد بالك لو الفلوس معجزة شوية ورحت تغير اسطوانة الدبرياج احتمال كبير اوى تلاقى الدسك بالبلية عاوزين يتغيرو

ولو هاتغير الدسك والبلية هات الدسك استيراد متجبش جديد نصيحة

رد: الغيار الاول بيعلي صوت الماتور بدون تسارع - فيات بونتو
 

اعتقد الدبرياج مش عالي وطبيعي في الطلعة والغيارات
المشكلة بتظهر لما بكبس على الدواسة بسرعه واجيبها للأخر عشان اشوف سحب العربية صوتها بيعلى ومبتديش عزم ولا تسارع بشكل ملحوظ

طيب احنا لو هنغير الليله كلها اسطوانة وديسك وبلي ممكن تخش في كام ؟
وايه رأيك في سعر العربية معقول ؟

متشكر تاعب حضرتك معايا على اخر الليل :)

رد: الغيار الاول بيعلي صوت الماتور بدون تسارع - فيات بونتو
 

مصنعية فك وتركيب بالكتير 100 جنية
دسك 80 جنية استيراد
اسطوانة 90 ماليزى او تركى
بلية معرفش بالتحديد لكن فى رانج الـ 75 جنية
15 كيلو زيت فتيس

وممكن تملى الاسطوانة بخامة مناسبة بحوالى 50 جنية تخفيضا للتكلفة دون المساس بجودة العمل

اما بخصوص سعر العربية بمنتهى الامانة معرفش اسعار العربيات دى اية