|
رد: عاوز أشتري عربية نصف نقل 1.5طن ممكن مقترحات
السلام عليكم
اعتقد انسب الحلول فى ماذدا 5 شنكل صندوق بتعمل حوالى 20 الف للحالة المعقولة موتورها بنزين صندوق طويل وبيتعملة طبلية خشب وكمان اجناب ممكن تجبها من سوق السيارات فى التونسي مصر القديمة بيكون يوم الجمعة او لو انت عاوز بلد العربيات دى انزل فاقوس |
رد: عاوز أشتري عربية نصف نقل 1.5طن ممكن مقترحات
اقتباس:
لكن كنت عاوز اعرف مش دايمآ بيقولوا المازدا فاسدة و هل قطع غيارها متوافرة و لا لأ ؟ و بخصوص سوق فاقوس هوه بيكون يوم أيه لو سمحت ؟ |
رد: عاوز أشتري عربية نصف نقل 1.5طن ممكن مقترحات
و لو سمحت هيه المازدا بالسعر ده بتكون موديل كام بالتقريب و حمولتها القصوى قد أيه ؟
معلش طولت عليك سامحني |
رد: عاوز أشتري عربية نصف نقل 1.5طن ممكن مقترحات
لا فاقوس مشهورة بالعربيات دى انما معرفش السوق هناك ايام اية
وقطع الغيار موجودة مفيش منها مشكلة كلمة الماذدا فاسدة متتقلش على عربية يابانى ابدا اليابانيين بيبعملو افضل عربيات فى العالم وبتتفوق على الالمانى صحيح ماذدا مش زى تويوتا ولا هوندا ولكن احنا بنبص على سعر السيارة لو مش مقتنع بيها نفكر فى شيفورلية تمانينات موتور جاز بس السعر ممكن يوصل 30 الف او لو هاتزود نفكر فى دبابة تسعينات وتريح نفسك خالص من قصة العربية دى وتنساها تعمل من 40 فيما فوق |
رد: عاوز أشتري عربية نصف نقل 1.5طن ممكن مقترحات
اسف على التاخير فى الرد
ربنا يوفقك بامر الله فى الشراء اولا بالنسبة للماركة شيفروليه اعتقد اضمن و افضل ماركة بالنسبة لى على الاقل الموديل متوقف على الفلوس او بمعنى اصح طالما محدد بالفلوس دة اللى بيفرض عليك الموديل ال 30000 قريبا يجيبوا موديل 80 او 82 او 85 و بتكون بنزين و ماتورها بنزين و على فكرة حلوة و جامدة و شغال و تستحمل بس طبعا لازم اللى يفحصها يكون استاذ و عارف اية مشكلاتها لان فى مشاكل بتكون م باينه الا للميكانيكى الشاطر و طبعاالدبابة حتكون غاليةاوى عليك حاليا انا من اسكندرية فمش عارف نظام الاسواق عندك ربنا يوفقك يارب و انا تحت امرك |
| الساعة الآن 12:16 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017