رد: القدرة الحقيقية لكرولا MMT الجبارة
 

استاذى الموقر فادى
كلامك مضبوط لكن
قوة المحرك=العزم×عدد اللفات

حضرتك بتقصد فى كلامك لما تكون قدرة المحرك ثابتة مثلا فى موتور كهرباء AC فعندما تكون القدرة او مصدر الطاقة ثابتة مثلا موتور 1 حصان اذا زادت السرعة قل العزم و اذا قلت السرعة زاد العزم و المتحكم فى هذا لابد ان يكون صندوق تروس او ناقل الحركة (الفتيس) الترس الاول اقوى و لكن سرعتة اقل من الترس الثانى لان فى هذة الحالة العزم يتناسب عكسى مع السرعة فكلما كان الترس اصغر اعطى سرعة اقل و عزم اكثر .
اما فى حالة عدم ثبات قدرة الموتور مثل موتور السيارات او موتور كهرباء DC فان السرعة تتناسب طرديا مع القدرة لذا فان كلما زادت القدرة ذادت السرعة .
مثال طفيف
موتور كهرباء تيار مستمر DC موصل على 6 فولت تكون سرعتة ثابتة لو وصل على 9 فولت طبعا لا سوف تزيد السرعة و العزم و شكرا

رد: القدرة الحقيقية لكرولا MMT الجبارة
 

حضرتك برضو مفهمتش كلامى قصدى, أنا هوضحلك قصدى بمثال تخيلى,

ده جدول لمنحنى العزم لسيارة تخيلية :
السرعة(أر بى ام) : 1000--- 2000--- 3000 ---4000--- 5000 ---6000
العزم (نيوتن متر) : 80-------- 90 ------100 -----120 -----100------ 70
القوة (حصان) --- : 15-------- 34 -----57------- 91 ------95 --------79

من الجدول ده, أقصى عزم للسيارة هو 120 نيوتن عند 4000 لفة/دقيقة,
و أقصى قدرة هى 95 حصان عند 5000 لفة/دقيقة.
دى الطريقة التى يتم احتساب بها أقصى قدرة للمحرك (لكن بنحسب عند سرعات أكثر تقاربا يعنى كل 100 ار بى ام مثلا), هتلاقى انو القدرة قلت عند السرعة النهائية (6000 ار بى ام), لأن العزم قل عندها بمعدل أكبر من السرعة.
معنى انو الكورولا 122 حصان عند 6000 لفة/دقيقة, فان هذه القوة سوف تقل عند 7000 لفة/دقيقة و سوف تبلغ 100 حصان مثلا.
و برضو الموضوع مفيهوش اذا زادت السرعة زاد العزم, العزم بيزيد مع السرعة الى حد معين هو العزم الأقصى, بعد كده بيزيد الاحتكاك داخل المحرك, و فى الصبابات, و يتسبب بتقليل العزم مرة أخرى مع زيادة السرعة.
ملحوظة قمت باحتساب الجدول بالمعادلة السريعة :
القوة الحصانية = العزم* السرعة(ار بى ام) / 5252

رد: القدرة الحقيقية لكرولا MMT الجبارة
 

طبعا مع احترامي لجميع الأعضاءاللي بيهاجمو الكورولا ال mmt وأيضا أعداء التويوتا كورولا الجنوب افريقي بالفتيس mmt ,أنا معايا العربية دي بالي سنة دلوقتي فضلا عن ان الماتور 122 حصان أو انهم ضحكوا علينا في التوكيل وقالوا لنا ان العربية 142 حصان العربية أكتر من رائعة أنا في هندسة الزقزيق وساكن في الاسماعيلية ويوميا بسافر المشوار ده بعربيتي العربية قمة السرعة بحيث ان العداد مابينزلش في معظم الطريق عن ال 200كم\س وقمة الثبات وقمة المتعة في القيادة بس للي يقدر يتعامل مع الجير (الفتيس) ونيجي للناس اللي بتأول العربية فيها عيوب تأفيل برضو دي اشاعات بحكم ان احنا مصريين وعارفين ان احنا شعب بيمووووووووت في الاشاعات أنا اللي معايا الفل أبشن أبواب تتش وسمارت كي وسينسور مطر وعدادات تبترون ........ بصراحة ما لاحظتش أي عيب في التقفيل أنا والدي معاه bmw 528i 2007 بيأولي انو بيرتاح أكتر في الكورولا بتاعتي سبحان الله بس الفكرة اللي عايز أوصلها للناس اللي بتتعسف علي حاجات مش من الواقع بالمرة العربية أكتر من رائعة واللي يقول غير كدة بيقي عمره ما ركبها وحتي لو كان ركبها فعلا يبقي مش فاهمها لازم نبص لأدام شوية ونجاري التطور......ptmnlo123per1 11


ENG.Mohamed Essam