رد: لسه جديد في عالم الدايو فا ارجو الافادة
 

طب كويس انك لقيت التسريب. بس اهم حاجة مادام العربية كان فيها مية حنفية او عى تحط مية خضرا مهما بتاع الردياداتير يقولك عليها . اخرك تحط مية مقطرة. واوعى تزود مية والعربية سخنة عشان وش السلندر

رد: لسه جديد في عالم الدايو فا ارجو الافادة
 

ياباشا عظيم الشكر لذوقك ولو انى مش عارف ايه هى البى x6 لكن عامة هى شكلها حاجة حلوة ، ونصيحة من اخ لو تعتبرنى مفيش داعى للسرعات العالية دى وبالذات مع الكورى وتحديدا لانوس وفيرنا ، وبالنسبة للجنوط انا رايى وده راى شخصى ان العربية حلوة زى ما هى يعنى انا بشوف ناس مركبة جنوط فى لانوس بس مبتعجبنيش ، بس دى مسالة اذواق ومن ناحية تانية وده راى شخصى برده ان الجنوط هتكلف ده غير ان الكاوتش بتاعها بيبقى غالى ، يعنى مثلا انا عربيتى جنط عادى كاوتش 13 اشتريت فردتين تركى من شهر تقريبا الفردة ب 285 ج على عكس عربية واحد قريبى فيرنا اشتريتلها البارح كاوتش 15 اندونيسى ب 420 ج ده غير انه بيبوظ بسرعة لو استخدامك فى طرق منيلة زى اللى انا بمشى عليها انما لو داخل مدينة اعتقد انه هيعيش اكتر،
وبصفة عامة لانوس خفيفة نوعا ما مش زى الكريستالة مثلا بتبقى ثابتة جدا على الارض وبتحس بده فى مطبات الهوا تحديدا
وفى النهاية ربنا يباركلك فيها ويكفيك شرها

رد: لسه جديد في عالم الدايو فا ارجو الافادة
 

:Wkiss5::Wkiss5::Wkiss5:

رد: لسه جديد في عالم الدايو فا ارجو الافادة
 

هيا المياة المقطرة الي هيا بتنزل من التكيف صح
واكيد طبعآ عمري ما ازود العربية وهيا سخنة
انا لو لقيتها سخنة ومافيهاش مياة ادورها واحطلها مياة وهيا ديرة صح ولا كده برضة غلط في مواتير الدايو

رد: لسه جديد في عالم الدايو فا ارجو الافادة
 

البي ام دبليو x6عربية جيب كده بس من عالم اخر ربنا يرزقق بيها ويرزقنا بيها يارب
انا فعلآ كنت سايق جولف2 وكنت بجيب 180 وكانت العربية راسية علي الارض انا جبت بي الدايو 140 العربية حسيت انها خفت والدركسيون كان فية هزة فاقولت اكيد عايز ترصيص
ولما عرفت من ناس ان الجنوط بتدي ثبات للدايو فاقولت اغير جنوطها وانا سئلت علي جنط ماليزي عند الروماني الي في السواح قالي بي 1300 جنية وسئلت عنده علي العجلة الجود ير قالي الفردة عاملة 350 جنية لقيت اسعارة حلوة جدآآآ
وانا بعد فترة كدة اكون سددت كل ديوني بتاعت العربية ابقا اجيب جنوط يعني لسه مش اقل من فترة كبيرة يعني