رد: ممتاز السعيد هيخليكم على الحديد !!!
 

للأسف مؤسسة الرئاسة مش قادرة على الحرامية اللى بيسرقوا البنزين والسولار واللى بيبيعوه فى السوق السوداء أو بيرموه فى الصحراء والبلاعات.
وفشلهم بيطلعوه على الناس اللى حالتها أصلاً مش مستحمله أى تكاليف زيادة.
وحلوة جملة "صبى حرامى" على وزن "صبى رقاصة" هههههههه
يا ريس مرسي إغضب ضد الفساد والمفسدين قبل مايضيعوا البلد وانت هتضيع معاهم :3_8_14:

رد: ممتاز السعيد هيخليكم على الحديد !!!
 

اديكم مثال على نظام الحكومة
اضرب الطويل يخاف القصير
الحكومة مش قادرة تحصل ضرائب من التجار الجشعين ومضاربين البورصة اللى حركة التداول فيها بالمليارات
يقوموا يعملوا ايه يجوا على الموظف الغلبان اللى مرتبه مش مكفيه يشرب مية ساقعة بيه ويحصلوا منه ضرائب بالعافية ما هو الوحيد اللى فى ايديهم وبياخدوا منه الضرائب قبل ما يقبض
ولما المستشارين وكبار موظفى الدولة يقبضوا رسمى مئات الاف شهريا واحيانا تصل الى بضعة ملايين
والموظف مرتبه لسة 600 جنيه ده يبقى اسمه ايه
بزمتكوا مش تبقى حكومة وسخة