رد: قصة حصلت بالفعل بخصوص سرقة السيارات
 

متهيألي ما حدش هيعارضني لما أقول إن نسبة المجرمين من الشعب المصري زادت جداً و ده مش بسبب الفقر إحنا طول عمرنا فقراء عمر الشعب المصري ما كان من الشعوب المرفهة لكن كان الواحد يموت من الجوع و ما يسرقش لكن الأخلاق وطيت على الرغم من نسبة التدين الظاهري (الأونطة) المرتفعة و الجلاليب البيضاء و الدقون اللي بتدفي الصدر و الخيم السوداء اللي ماشية في الشوارع يعني بقينا بنتكلم كتير قوي عن الحلال و الحرام و نسينا الصح و الغلط إرحمنا يا ر ب

رد: قصة حصلت بالفعل بخصوص سرقة السيارات
 

معلش هو سؤال يمكن بايخ شوية
جاب رقم تيليفون صاحب العربية ازاااى؟؟

رد: قصة حصلت بالفعل بخصوص سرقة السيارات
 

سبحان الله لو سمعنا الموضوع دة من عشر سنين هقول علطول ده فيلم عربى وبايخ
انما اللى حصل معاك فوق الخيال يعنى فى امريكا لو اتصلت على 911 وقفلت تلاقى على طول متصلين بيك ده ان ما بعتوش حد مخصوص علشان يشوف الموضوع
واحنا ما شاء الله العدد فى اللمون يعنى امن مركزى وداخليه وامن وطنى ومرور انا عارف بياخدوا مرتبات على ايه
بس معلش ياباشا دول متربيين على ايام مبارك يعنى قاعدين على القله بس علشان يتنططوا على خلق الله وياخدوا الهبر اخر الشهر ولا فيه تدريب ولا اجهزة تناسب العصر ولا دياولوا .
بس المشكله تحس ان الضابط بيشتغلك يعنى يقولك لما يتصل بيك الحرامى قولى ولما تقوله يقعد محلك سر والله لازم يتعمل جهاز فى الشرطه زى امريكا اسمه الشئون الداخليه يكون مسئول عن مراقبه عمل الشرطه ومعرفه تجاوزاتهم واى واحد ما يؤديش عمله تمام يتسرح تسريح غير مشرف ويتحرم من جزء او كل مستحقاته
وعموما حمدا لله على سلامه العربيه وقضا اخف من قضا:fun_36_1_39[1]:

رد: قصة حصلت بالفعل بخصوص سرقة السيارات
 

مش عارف ليه لما تحصل مصيبه على طول يجيبوا سيره السلفيين والمنقبات هما عملوا ليكم ايه بالضبط ما هما سايبنكم فى حالكم سيبوهم بقى فى حالهم.
وبعدين تفتكر المنطقه اللى راحها الاستاذ فيها واحد بدقن ولا واحده منقبه اشك فى هذا الف فى الميه, يعنى لما واحد بدقن خفيفه يسرق او يزنى نقول ادى ياعم السلفيين وادى التدين الظاهرى واول مايشوف واحد متدين بجلباب اوبدقن او واحده منقبه يحكم عشوائى انهم متدينين تدين ظاهرى طيب ليه لما بيمسكوا واحد بيقتل او بيزنى ما بنقولش هاتولنا الليبراليين وبتوع الحريه ولا حقوق الانسان والفنانين وعمرو حمزاوى ونقطع فيهم ولا دول فوق مستوى الشبهات .
ياريت نكون منطقيين لاننا هنتحاسب على كل كلمه بنقولها او بنكتبها .
معلش بس كلام حضرتك ضايقنى

رد: قصة حصلت بالفعل بخصوص سرقة السيارات
 

هوه صراحه مقالش بس فيه ناس بتسيب بيانتها فى العربية الايام دي عشان المواضيع دي والله اعلم يعنى فيه 100 طريقة يوصل للرقم