رد: مساعدة فى شراء سماعات فى الرف الخلفى
اقتباس:
انا حاليا صعب اغير الكاسيت نفسة لانى بصراحة الحالة ج من بعد العربية بس انا كنت عايز احسن الصوت -- انا مش بحب الصوت العالى بس بقدر الصوت النقى انى سماعات انقى فى الصوت هل الكنوود ولا بيونير و تكون 350 واط علشان لو غيرت الكاسيت مستقبلا بس انا ليا سؤال حضرتك كاتب بايونيير 500 ب 285 انا لسة سأل انهاردة على 350 واط ب 320 جنية يبقى ازاى الاسعار دى هل دى اسعار الصينى و تنصحنى بسماعات نوع اية 350 واط 4 way متشكر جدا لحضرتك:Bravo: |
رد: مساعدة فى شراء سماعات فى الرف الخلفى
السعر الي حضرتك بتقوله مبالغ فيه..... انا لسه حاطط سوني 500 ب 285 و البايونير زيها... 320 مبالغ فيه... روح اشتريهم من التوكيل بتاع سوني او من حد موزع معتمد.... لو في اسكندرية عندك شمس و اوتو ماركت.... اما لو برة اسكندرية.. ممكن حد من اخواننا هنا يدلك على مكان تاخد سماعاتك و كاسيتك بسعر كويس.... انا لسه حاطط بايونير جديد فيه وصلة aux و usb ب 600 و السماعات ب 285
|
رد: مساعدة فى شراء سماعات فى الرف الخلفى
اقتباس:
لا السماعات البايونيير سعرها كدة مش فاكر فيتنامى ولا ماليزى و بص هات السماعات دى و ادعيلى بس عشان تسمعها حلو هاتلها كاسيت بس مستقبلا يعنى jbl gto938 دى 300 وات 100 rms يعنى اقوى من البايونير ال500 و هى صنع صينلى بس متخفش منها لأن jbl بقت تصنع فى الصين عادى و صوتها نقى و نضيف جدا و دى 3 واي على فكرة اي سماعة عشان تقوم محتاجة 2 واى البيز و التريبل بعد كدة زودوا الميد الرينج لكن سماعة 4 واى 5 واى كل ده كلام تجاري لجذب الزبون مش اكتر السماعات الjbl عامله فى حدود 275 بالتركيب فى محلات جسر السويس و حبعتلك عنوان على الخاص |
رد: مساعدة فى شراء سماعات فى الرف الخلفى
طب انا لسة جاى من جولة طويلة انهاردة
انا كنت سألت على واحد جنب الشغل و ارخصهم فى التوفيقية ورحت محل روكيت اللى ميدان روكسى وواحد فى الزاوية الحمراء مشهور بايونير 350 واط ماليزى بسعر 320 جنية و ممكن يبقى فيها كلام دا اللى جنب الشغل -- بس فى عضو قالى ممكن تكون مركونة عندة علشان مبقاش فى ماليزى -- ولا ممكن يكون فى بس غالى عند ارخصهم اللى فى التوفيقية كل اللى عندة صينى و قعد يقولى ضمان سنة و الكلام دة بس اكيد الصوت مش زى الاوريجنال ولا اية روكيت معندوش الا كينوود و سونى و سعر كينوود 300 واط 295 جنية و صناعة اندونيسى المحل اللى فى الزاوية عندة كينوود 360 واط 295 جنية بس البياع اللى فى محل روكيت قالى كلة بيطلع صوت نقى مش بايونير بس بس بتفرق من شركة لشركة فى البيز اعلى او التربل اعلى و قالى السونى البيز بتاعها عالى فأنتو قلولى اية رأيكو اشترى اية و متشكر لمشاركتكم :fun_36_1_39[1]: |
رد: مساعدة فى شراء سماعات فى الرف الخلفى
اقتباس:
علي فكره انا لسه شاري سماعتين jbl 938 gto من جسر السويس من حوالي شهر ب275ج وصوتهم تحفه بالرغم من الكاسيت اللي عندي تعبان شويه رودستار بس في سؤال انا شغال علي جهاز ال ام بي ثري اللي بيركب في الولاعه وكان الصوت تمام والسماعات قايمه عشره علي عشره والجهاز ال ام بي ثري ده واحد فتح العربيه وسرقو وجبت واحد جديد بس صوته مش حلو زي اللي اتسرق وبيوش هل ممكن يكون نوعه وحش وتنصحوني اجيبه منين وده صورة الجهاز http://www.masr1.com/di-53O5.jpg |
الساعة الآن 11:01 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017